Ekagnikanda 1.10701

1.10701

iti prathamapro ṣaṣṭhaḥ khaṇḍaḥ |
tāma̍ndasā̱nā manu̍ṣo duro̱ṇa ā dha̱ttam̐ ra̱yiṃ da̱śavī̍raṃ vaca̱syave̎ | kṛ̱taṃ tī̱rtham̐ su̍prapā̱ṇam̐
śu̍bhaspatī sthā̱ṇuṃ pa̍the̱ṣṭhāmapa̍ durma̱tim̐ ha̍tam | a̱yanno̍
ma̱hyāḥ pā̱ra sva̱sti ne̍ṣa̱dvana̱spati̍ḥ | sīrā̍ nassu̱tarā̍ bhava dīrghāyu̱tvāya̱ varca̍se
| a̱sya̱pā̱re ni̍ṛṟthasya̍ jī̱vā jyoti̍raśīmahi | ma̱hyā
i̍ndrassva̱staye̎ | ya̱teci̍dabhi̱śriṣa̍ḥ pu̱rā ja̱rtṛbhya̍ ā̱tṛda̍ḥ | sandhā̍tā sa̱ndhiṃ
ma̱ghavā̍ puro̱vasu̱rniṣka̍rtā̱ vihru̍ta̱ṃ puna̍ḥ | iḍā̍magra i̱maṃ
me̍ varuṇa̱ tattvā̍ yāmi̱ tvanno̍ agre̱ sa tvanno̍ agre̱ tvama̍gre a̱yāsi̍ | ye ga̍ndha̱rvā a̍phsa̱rasa̍śca de̱vīre̱ṣu
vṛ̱kṣeṣu̍ vānaspa̱tyeṣvāsa̍te | śi̱vāste a̱syai vai̱̍ bhavantu̱ mā him̐̍siṣurvaha̱tumū̱hyamā̍nām
| yā oṣa̍dhayo̱ yā na̱dyo̍ yāni̱ dhanvā̍ni̱ ye vanā̎ |
te tvā̍ vadhu pra̱jāva̍tī̱ṃ pra tve muā̱̍ntvam̐ha̍saḥ | saṃkā̍śayāmi vaha̱tuṃ brahma̍ṇā gṛ̱hairagho̍reṇa̱
cakṣu̍ṣā̱ maitre̍ṇa | pa̱ryāṇa̍ddhaṃ vi̱śvarū̍pa̱ṃ yada̱syām̐ syo̱naṃ
pati̍bhyassavi̱tā kṛ̍ṇotu̱ tat | ā vā̍maganthsuma̱tirvā̍jinī vasū̱nyaśvi̍nā hṛ̱thsu kāmām̐̍ ayam̐sata
| abhū̍to̱pā mi̍thu̱nā śu̍bhaspatī pri̱yā
a̍rya̱mṇo duryām̐̍ aśīmahi | a̱yanno̍ de̱vassa̍vi̱tā bṛha̱spati̍rindrā̱grī mi̱trāvaru̍ṇā
sva̱staye̎ | tvaṣṭā̱ viṣṇu̍ḥ pra̱jayā̍ sam̐rarā̱ṇaḥ kāma̱ āyā̍ta̱ṃ
kāmā̍ya tvā̱ vimuā̍tu || (7)