Ekagnikanda 2.20301

2.20301

ā̱ga̱ntrā sama̍ganmahi̱ pra su̍ mṛ̱tyuṃ yu̍yotana | ari̍ṣṭā̱ssā̍remahi sva̱sti ca̍ratādi̱ha
sva̱styā gṛ̱hebhya̍ḥ | sa̱mu̱drādū̱rmirmadhu̍mā̱m̱̐ udā̍radupā̱m̱̐śunā̱
sama̍mṛta̱tvama̍śyām | i̱menute ra̱śmaya̱ssūrya̍sya̱ yebhi̍ssapi̱tvaṃ pi̱taro̍ na̱ āyann̍ |
a̱griṣṭe̱ hasta̍magrabhī̱thsoma̍ste̱ hasta̍magrabhīthsavi̱tā te̱
hasta̍magrabhī̱thsara̍svatī te̱ hasta̍magrabhītpū̱ṣā te̱ hasta̍magrabhīdarya̱mā te̱ hasta̍magrabhī̱dam̐śu̍ste̱
hasta̍magrabhī̱ga̍ste̱ hasta̍magrabhīnmi̱traste̱
hasta̍magrabhīnmi̱trastvama̍si̱ dharma̍ṇā̱'grirā̍cā̱ryastava̍ | a̱graye̎ tvā̱ pari̍dadāmyasau̱
somā̍ya tvā̱ pari̍dadāmyasau savi̱tre tvā̱ pari̍dadāmyasau̱
sara̍svatyai tvā̱ pari̍dadāmyasau mṛ̱tyave̎ tvā̱ pari̍dadāmyasau ya̱māya̍ tvā̱ pari̍dadāmyasau ga̱dāya̍
tvā̱ pari̍dadāmyasā̱vanta̍kāya tvā̱ pari̍dadāmyasāva̱stvā̱
pari̍dadāmyasā̱voṣa̍dhībhyastvā̱ pari̍dadāmyasau pṛthi̱vyai tvā̱ savai̎śvāna̱rāyai̱ pari̍dadāmyasau |
de̱vasya̍ tvā savi̱tuḥ pra̍sa̱va upa̍naye̱'sau | su̱pra̱jāḥ
pra̱jayā̍ bhūyāssu̱vīro̍ vī̱raissu̱varcā̱ varca̍sā su̱poṣa̱ḥ poṣai̎ḥ | bra̱hma̱carya̱māgā̱mupa̱
māna̍yasva de̱vena̍ savi̱trā prasū̍taḥ | ko nāmā̎sya̱sau nāmā̎'smi̱
kasya̍ brahmacā̱rya̍syasau prā̱ṇasya̍ brahmacā̱rya̍smya̱sāve̱ṣa te̍ deva sūrya brahmacā̱rī taṃ
go̍pāya sa̱māmṛ̍tai̱ṣa te̍ sūryapu̱trassa dī̎rghā̱yussa̱māmṛ̍ta | yām̐
sva̱stima̱grirvā̱yussūrya̍śca̱ndramā̱ āpo'nu̍ sā̱ra̍nti̱ tām̐ sva̱stimanu̱ sā̍rāsau
| a̍nāmapate̱ śreṣṭha̱syā̍na̱ḥ pāra̍maśīya || (3)