Ekagnikanda 2.20801

2.20801

ā̱yu̱ṣya̍ṃ varca̱syam̐̍ su̱vīryam̐̍ rā̱yaspoṣa̱maui̍dyam | i̱dam̐ hira̍ṇya̱ṃ jaitryā̱yāvi̍śatā̱nmām
| uau̱̱rvā̱di pṛ̍tanā̱ji sa̍trāsā̱haṃ dha̍nā̱yam | sarvā̱ssamṛ̍ddhī̱ṟ
ṛddha̍yo̱ hira̍ṇye̱'sminthsa̱māhi̍tāḥ | śu̱nama̱ham̐ hira̍ṇyasya pi̱turi̍va̱ nāmā̎grabhaiṣam |
taṃ mā̱ hira̍ṇyavarcasaṃ pū̱ruṣu̍ pri̱yaṃ ku̍ru | pri̱yaṃ mā̍ de̱veṣu̍ kuru
pri̱yaṃ mā̱ brahma̍ṇe kuru | pri̱yaṃ vi̱śye̍ṣu śū̱dreṣu̍ pri̱yam̐ rāja̍su mā kuru | yā ti̱raścī̍
ni̱padya̍se̱'haṃ vi̱dhara̍ṇī̱ iti̍ | tāṃ tvā̍ ghṛ̱tasya̱ dhāra̍yā̱ yaje̍
sa̱m̱̐rādha̍nīma̱ham | sa̱m̱̐rādha̍nyai de̱vyai svāhā̎ | pra̱sādha̍nyai de̱vyai svāhā̎ | sa̱mrājā̍
vi̱rājāā̍bhi̱śrīryā ca̍ no gṛ̱he | la̱kṣmī rā̱ṣṭrasya̱ yā mukhe̱ tayā̍
mā̱ sam̐sṛ̍jāmasi | śubhi̍ke̱ śira̱ āro̍ha śo̱bhaya̍ntī̱ mukha̱ṃ mama̍ | mukham̐̍ hi̱ mama̍ śobhaya̱ bhūyām̐̍sā̱
bhaga̍ṃ kuru | yāmāha̍rā̱mada̍griśśra̱ddhāyai̍ kāmāyā̱nyai |
i̱māntāmapi̍ nahye̱'haṃ bhage̍na sa̱havarca̍sā | yadāā̍naṃ traikaku̱daṃ jā̱tam̐ hi̱mava̍ta u̱pari̍ |
tena̍ vāmāo̱ teja̍se̱ varca̍se̱ bhagā̍ya ca || (8)