Ekagnikanda 2.21101

2.21101

dhā̱tā da̍dātu no ra̱yimiti̱ cata̍sro̱ yastvā̍ hṛ̱dā kī̱riṇeti̱ cata̍sraḥ | bhūrbhuva̱ssuvo̍ rā̱kāma̱haṃ
yāste̍ rāke | yauga̍ndharire̱va no̱ rājeti̱
sālvī̍ravādiṣuḥ | vivṛ̍ttacakrā̱ āsī̍nā̱stīre̍ṇa yamune̱ tava̍ | soma̍ e̱va no̱ rājetyā̍huḥ brāhma̱ṇīḥ
pra̱jāḥ | vivṛ̍ttacakrā̱ āsī̍nā̱stīre̍ṇāsau̱
tava̍ | pu̱m̱̐su̱vana̍masi | ā̱bhiā̱haṃ da̱śabhi̍ra̱bhimṛ̍śāmi̱ daśa̱māsyā̍ya̱ sūta̍ve | yathai̱va
soma̱ḥ pava̍te̱ yathā̍ samu̱dra eja̍ti | e̱vante garbha̱ eja̍tu sa̱ha
ja̱rāyu̍ṇā ni̱ṣkramya̱ prati̍tiṣṭhatu | āyu̍ṣi brahmavarca̱si ya̱śasi̍ vī̱rye̎'nnādye̎ |
daśa̱ māsā̱ñchaśa̍yāno dhā̱trā hi tathā̍ kṛ̱tam | aitu̱ garbho̱ akṣi̍to
jī̱vo jīva̍ntyāḥ | ā̱yama̍nīryamayata̱ garbha̱māpo̍ devī̱ssara̍svatīḥ | aitu̱ garbho̱ akṣi̍to jī̱vo
jīva̍ntyāḥ | tila̱de'va̍padyasva̱ na mā̱m̱̐sama̍si̱
no dala̎m | stha̱vi̱tryava̍padyasva̱ na mā̱m̱̐seṣu̱ na āāva̍su̱ na ba̱ddhama̍si mā̱su̍ | nirai̍tu̱
pṛiā̱śeva̍lam̐ śu̱ne ja̱rāyva̱ttave̎ || (11)