Ekagnikanda 2.21401

2.21401

na̱ktā̱ā̱riṇa̍ uraspe̱śāñchū̍laha̱stānka̍pāla̱pān | pūrva̍ eṣāṃ pi̱tetyuau̱śśrā̎vyaka̱rṇaka̍ḥ
| mā̱tā ja̍gha̱nyā̍ sarpa̍ti̱ grāme̍ vidhu̱rami̱cchantī̱ svāhā̎ |
ni̱śī̱tha̱cā̱riṇī̱ svasā̍ sa̱ndhinā̱ prekṣa̍te̱ kula̎m | yā svapa̍ntaṃ bo̱dhaya̍ti̱ yasyai̱
vijā̍tāyā̱ṃ mana̍ḥ | tāsā̱ṃ tvaṃ kṛ̍ṣṇa̱vartma̍ne o̱māna̱m̱̐ hṛda̍ya̱ṃ
yakṛ̍t | agre̱ akṣī̍ṇi ni̱rdaha̱ svāhā̎ | ā̍dā̱thsaṃbha̍vasi̱ hṛda̍yā̱dadhi̍ jāyase | ve̱do
vai putra̱nāmā̍'si̱ sa jī̍va śa̱rada̍śśa̱tam | aśmā̍
bha̱vetye̱ṣā | a̱grirāyu̍ṣmā̱niti̱ pā̍ | sarva̍smādā̱tmana̱ssaṃbhū̍tā'si̱ sā jī̍va śa̱rada̍śśa̱tam
| bhūra̱pāṃ tvauṣa̍dhīnā̱m̱̐ rasa̱ṃ prāśa̍yāmi śi̱vāsta̱ āpa̱
oṣa̍dhayassantvanamī̱vāsta̱ āpa̱ oṣa̍dhayassantvasau | bhuvo̱'pām̐ suva̍ra̱pāṃ bhūrbhuva̱ssuva̍ra̱pāṃ tvauṣa̍dhīnā̱m̱̐
rasa̱ṃ prāśa̍yāmi śi̱vāsta̱ āpa̱
oṣa̍dhayassantvanamī̱vāsta̱ āpa̱ oṣa̍dhayassantvasau | u̱ṣṇena̍ vāyavuda̱kenetye̱ṣaḥ || (14)