Ekagnikanda 2.21501

2.21501

yūme̎ḥ krū̱raṃ tadi̱to ha̍rāmi̱ parā̍cī̱nniṛr̍ti̱ṃ nirvā̍hayāmi | i̱da śreyo̍'va̱sāna̱māga̍nma
devā̱ goma̱daśvā̍vadi̱dama̍stu̱ pra bhūma̍ | syo̱nā pṛ̍thivi̱
bhavā̍nṛkṣa̱rā ni̱veśa̍nī | yacchā̍ na̱śśarma̍ sa̱prathā̎ḥ | i̱haiva ti̍ṣṭha̱ nimi̍tā̱ tilva̍lā
syā̱dirā̍vatī | maddhye̱ tālpya̍sya tiṣṭhā̱nmā tvā̱ prāpa̍nnaghā̱yava̍ḥ |
ā tvā̍ kumā̱rastaru̍ṇa̱ ā va̱thso jaga̍tā sa̱ha | ā tvā̍ pari̱sruta̍ḥ ku̱ṃbhā ā da̱daḥ kala̍śīrayann
| ṛ̱tena̱ sthūṇā̍va̱dhiro̍ha va̱m̱̐śogro vi̱rāja̱nnapa̍sedha
śatrūn̍ | brahma̍ ca te kṣa̱trā̱ pūrve̱ sthūṇe̍ a̱bhira̍kṣatu | ya̱jñaśca̱ dakṣi̍ṇāśca̱
dakṣi̍ṇe | i̱ṣaśco̱rjaścāpa̍re | mi̱traśca̱ varu̍ṇa̱ścotta̍re | dha̱rmaste̱ sthūṇā̍ rāja̱śrīste̱
stūpa̍ḥ | u̱ddhri̱yamā̍ṇa̱ uddha̍ra pā̱pmano̍ mā̱ yadavi̍dvā̱nyā̍ vi̱dvām̐śca̱kāra̍ | ā̱
yadena̍ḥ kṛ̱tama̍sti pā̱pam̐ rātryā̱ yadena̍ḥ kṛ̱tama̍sti pā̱pam̐ sarva̍smā̱nmoddhṛ̱to
muā̱̍ tasmā̎t | indra̍sya gṛ̱hā vasu̍manto varū̱thina̱stāna̱ham̐ su̱mana̍sa̱ḥ prapa̍dye | a̱mṛ̱tā̱hu̱tima̱mṛtā̍yāāuhomya̱griṃ
pṛ̍thi̱vyāma̱mṛta̍sya̱ jityai̎ | tayā̍'na̱ntaṃ
kāma̍ma̱hā̍yāni pra̱jāpa̍ti̱ryaṃ pra̍tha̱mo ji̱gāyā̱grima̍grau̱ svāhā̎ | anna̍pata̱ itye̱ṣā
| ari̍ṣṭā a̱smāka̍ṃ vī̱rāssa̍ntu̱ mā parā̍ seci me̱ dhana̎m |
bhūmi̱rbhūmi̍magānmā̱tā mā̱tara̱mapya̍gāt | bhū̱yāsma̍ pu̱traiḥ pa̱śubhi̱ryo no̱ dveṣṭi̱ sa
bhi̍dyatām | vāsto̎ṣpata̱ iti̱ dve | vāsto̎ṣpate pra̱tara̍ṇo na edhi̱
gobhi̱raśve̍bhirindo | a̱jarā̍saste sa̱khye syā̍ma pi̱teva̍ pu̱trān prati̍ no juṣasva | a̱mī̱va̱hā
vāsto̎ṣpate̱ viśvā̍ rū̱pāṇyā̍ vi̱śann | sakhā̍ su̱śeva̍
edhi naḥ | śi̱va̱m̱̐ śi̱vam || (15)