Ekagnikanda 2.21901

2.21901

yanme̍ mā̱tā pralu̍lobha̱ cara̱tyana̍nuvratā | tanme̱ reta̍ḥ pi̱tā vṛā̍mā̱bhura̱nyo'va̍padyatāma̱muṣmai̱
svāhā̎ | yāstiṣṭha̍nti̱ yā dhāva̍nti̱ yā ā̎rdroāī̱ḥ
pari̍ta̱sthuṣī̎ḥ | i̱rviśva̍sya bha̱rtrībhi̍ra̱ntara̱nyaṃ pi̱turda̍dhe̱'muṣmai̱ svāhā̎
| yanme̍ pitāma̱hī pralu̍lobha̱ cara̱tyana̍nuvratā | tanme̱ reta̍ḥ pitāma̱ho
vṛā̍mā̱bhura̱nyo'va̍padyatāma̱muṣmai̱ svāhā̎ | a̱ntarda̍dhe̱ parva̍taira̱ntarmahyā̍ pṛthi̱vyā
| ā̱bhirdi̱gbhira̍na̱ntābhi̍ra̱ntara̱nyaṃ pi̍tāma̱hādda̍dhe̱'muṣmai̱ svāhā̎ |
yanme̎ prapitāma̱hī pralu̍lobha̱ cara̱tyana̍nuvratā | tanme̱ reta̍ḥ prapitāma̱ho vṛā̍mā̱bhura̱nyo'va̍padyatāma̱muṣmai̱
svāhā̎ | a̱ntarda̍dha ṛ̱tubhi̍rahorā̱traiśca̍
sa̱ndhibhi̍ḥ | a̱rdha̱mā̱saiśca̱ māsai̎ścā̱ntara̱nyaṃ pra̍pitāma̱hādda̍dhe̱'muṣmai̱ svāhā̎
| ye ce̱ha pi̱taro̱ ye ca̱ neha̱ yām̐śca̍ vi̱dma yām̐ u̍ ca̱ na pra̍ vi̱dma |
agre̱ tān ve̎ttha̱ yadi̱ te jā̍taveda̱stayā̎ pra̱tta sva̱dhayā̍ madantu̱ svāhā̎ | svāhā̍
pi̱tre pi̱tre svāhā̱ svāhā̍ pi̱tre pi̱tre svāhā̎ | sva̱dhā svāhā̱'graye̍
kavya̱vāha̍nāya sva̱dhā svāhā̎ | e̱ṣa te̍ tata̱ madhu̍mām̐ ū̱rmissara̍svā̱nyāvā̍na̱griśca̍ pṛthi̱vī
ca̱ tāva̍tyasya mā̱trā tāva̍tīnta e̱tāṃ mātrā̎ndadāmi̱
yathā̱'grirakṣi̱to'nu̍padasta e̱vaṃ mahya̍ṃ pi̱tre'kṣi̱tonu̍padastaḥ sva̱dhā bha̍va̱tāṃ ta sva̱dhāṃ
taissa̱hopa̍jīva̱rcaste̍ mahimai̱ṣa te̍ pitāmaha̱ madhu̍mām̐
ū̱rmissara̍svā̱nyāvān̍ vā̱yuścā̱ntari̍kṣā̱ tāva̍tyasya mā̱trā tāva̍tīnta e̱tāṃ mātrā̎ndadāmi̱
yathā̍ vā̱yurakṣi̱to'nu̍padasta e̱vaṃ mahya̍ṃ
pitāma̱hāyākṣi̱to'nu̍padastaḥ sva̱dhā bha̍va̱tāṃ ta sva̱dhāṃ taissa̱hopa̍jīva̱ sāmā̍ni te mahimai̱ṣa
te̎ prapitāmaha̱ madhu̍mām̐ ū̱rmissara̍svā̱nyāvā̍nādi̱tyaśca̱
dyauśca̱ tāva̍tyasya mā̱trā tāva̍tīnta e̱tāṃ mātrā̎ndadāmi̱ yathā̍''di̱tyo'kṣi̱to'nu̍padasta
e̱vaṃ mahya̍ṃ prapitāma̱hāyā'kṣi̱tonu̍padastaḥ sva̱dhā bha̍va̱tāṃ
ta sva̱dhāṃ taissa̱hopa̍jīva̱ yajūm̐̍ṣi te mahi̱mā || (19)