Hiranyakeshigrihyasutra 44.20.59

44.20.59

tatrānagnāviti vacanamanarthakaṃ syāt | tasmāduttarāṅgameva | 10. nūrttaṃ śīghraṃ yajate | kutaḥ | yataḥ sa devaḥ pākaḥ pracanaśīlastīkṣṇastasmāt | tatra prayogaḥ | paristīrya homadeśaṃ tamapareṇa kuṭīṃ kṛtvā tatra yathoktaṃ palāśāni sthāpayitvā teṣvāvāhayatyā tveti | sa[śa]rvvetaitasya kṣetrasya pata ityūhaḥ | tatrodakaṃ pradāya kṛtsnameva carumupasparśayatyupaspṛśatu kṣetrasya patiḥ kṣetrasya pataye svāheti | tatobhyāhṛtya carumāvāhanamātrameva vā kṛtvā pariṣicya homadeśaṃ daryyopahṛtya kṣetrasya pataye svāheti hutvā punaragnaye sviṣṭakṛte svāheti sauviṣṭakṛtaṃ juhoti | tataḥ pariṣekavisargaḥ | 12. ･･ sanāmayo jñātayaḥ | ･･ kimuktaṃ bhavati | sakulyānāmeva jñātīnāṃ prāśanaṃ nānyeṣām| kulāntarasaṃkrāntānāṃ prattānāṃ strīṇāṃ nāstīti | ā[ya]thaivaiṣāṃ jñātīnāmātmīye kule prāśanadharmaḥ pravartate tathā prāśnīyuriti | atheti vacanaṃ tadānīmevāraṇye prāśanārthaṃ ca grāmaṃ praviśya mā bhūditi | etasyeti grāmyanirdeśārthaḥ | kṣaitrapatyasyeti śūlagavasyātiriktasyāpi prāśananivṛttyartham | pūrveṣāṃ pratiṣiddhaṃ hi | 1 māse bhavaṃ śrāddhaṃ māsikam| ॰ ॰ ॰ atra kālaniyamanimittā dravyanimittāśca phalaviśeṣā deśavidhayo dharmeṣūktāḥ