Kathakagrihyasutra 1.24

Commentary of Devapāla 1.24

Language: Sanskrit

1.24

agneḥ putraḥ ṛgvedaḥ | vāyoḥ putro yajurvedaḥ | sūryasya putraḥ sāmavedaḥ | he ṛgveda yajurveda sāmaveda eṣa brahmacārī tubhyaṃ parirakṣārthaṃ datta iti te tava pratyekaṃ sambandhī, atastaṃ gopāyasva | tathāca brāhmaṇamagnyādiputratvamṛgvedādīnāṃ darśayati 'prajāpatirvā eka āsītsa tapo'tapyata tatastapastepānena trayo devā asṛjanta agniurvāyurādityaste tapo'tapyanta tebhyastapastepānebhyastrayo vedā asṛjantāgnerṛgvedo vāyoryajurveda ādityātsāmavedaḥ' iti | viṣṇuputro brahmaputraśceti sambhūtagrāmaḥ | athavā agneḥ putro bhūlokaḥ, asyādhiṣṭhātrī devatā agniḥ | evaṃ vāyuputro'ntarikṣalokaḥ, sūryaputro dyulokaḥ | yadvā puru bahu trāyate iti putraḥ, agniścāsau putro'gniputraḥ | evamanyatrāpi yojanā |

Previous: 1.23
Next: 1.25
Up: 1

Linked texts (1)

Kāṭhakagṛhyasūtra — Laugākṣi, Sanskrit