Kathakagrihyasutra 29.6

Commentary of Devapāla 29.6

Language: Sanskrit

29.6

sviṣṭakṛddharmeṇa kartavyaḥ svakāle kartavyaḥ | mantreṇa viśeṣamāha—'vahānnaṃ jātavedaḥ' iti
vaha vapāṃ jātavedaḥ pitṛbhyo yatraitānvettha nihitānparāke | medasaḥ kulyā upa tānsravantu satyā eṣāmāśiṣaḥ santu kāmaiḥ ||
ye māmakāḥ pitaro jīvā jīvanto jīvatsveva madhye'vasthitāḥ samānākṛtayaḥ samānacittāścāsmim̐lloke manuṣyatvaṃ prāptāḥ, teṣāṃ śrīḥ mayi kalpatāṃ śataṃ samāḥ śataṃ varṣāṇi anena karmaṇā | vahānnaṃ vaha māṃsamiti gatārtham || ityaṣṭakāmantrāḥ |
aṣṭakāyajñādūrdhvaṃ śrāddhamāha

Previous: 29.5
Next: 30.1
Up: 29

Linked texts (1)

Kāṭhakagṛhyasūtra — Laugākṣi, Sanskrit