Kathakagrihyasutra 3.1

3.1

cittiḥ srugityādayo mantrāścaturhotāra ucyante teṣu bhavaṃ cāturhotṛkaṃ vrataṃ brahmacārikalpena brahmacāridharmopadeśinā vedabhāgena coditamupeyāt |
12) iti dvirvacanam | tadarthaṃ ca suhutamastu | tapolòke vā svargaviśeṣe ye yaśaḥprakārāste samāyāntvityarthaḥ| evaṃ janoyaśoyaśāni svāheti vyākhyeyam | taṃ tvā bhageti, he bhaga bhajanīya brahman tvāmahaṃ praviśāmi | sa mā bhageti, sa tvaṃ he bhaga māṃ praviśa | śreyānvaso yaśoyaśāni svāhā, he vaso vāsayitaḥ dhanada tvaṃ śreyān praśasyo'tiśayena, atastvatprasādānmāṃ yaśāṃsi praviśantu tadarthaṃ ca suhutamastu | asminsahasreti, asminbahuśākhe yajurvede brahmavibhavopaniṣatpathe vā vibhaja vibhāgayoginaṃ kuru | ahaṃ tvayi viṣayabhūte he brahman mṛje ātmānaṃ śodhayāmi, vigatanikhalamalaṃ sampādayāmi brahmaṇi kṣīṇaṃ, tadarthaṃ tu suhutamastu | āraṇyakavratapaddhatiparyavasāne tvidaṃ kāryam ||