Kathakagrihyasutra 37.1

37.1

he sajanāsaḥ samānā janāḥ, imā yā gāvastā ahamacchā icchāmi ābhimukhyenecchāmi abhilaṣāmi hṛdā hṛdayena, manasā ciditi nipātaścārthe manasā ca mananena | kimartham | indraṃ yaṣṭuṃ sānnāyyena | indrayāgenāpi kimiti cet, indra icchāmi bhavitumiti yojanīyam | nityanaimittikakarmānuṣṭhānena jñānasahakāriṇā mokṣābhidhānaparamātmalayo bhavati | kiṃca gāvaḥ somasya prathamasya bhakṣaḥ gāva iti vyatyayena ṣaṣṭhyarthe prathamā gavāṃ somasya prathamasyotkṛṣṭasya haviṣaḥ sānnāyyasyābhiṣutarasasya śeṣo bhakṣo bhavatīti somayāgeṣu | ato me mama gāva eva bhagaḥ pradhānaṃ dhanaṃ gāva evendra indralaye hetutvāt |
kavayaḥ krāntaphāladarśanāḥ sīrāṇi phālāni yuñjanti yūpeṣu niyojayanti | yugā vitanvate pṛthak, yugāni balīvardaskandheṣu nidadhati pṛthak pṛthak | dhīrā deveṣu, vijigīṣuṣu dyotamāneṣu vā madhye buddhimantaḥ | sumnayuḥ, sumnayavaḥ vyatyayenaikavacanaṃ, sumnaṃ sukhamicchanti ātmana iti sumnayavaḥ ‘kyācchandasi’ iti upratyayaḥ || athottamā
uduttamaṃ varuṇa pāśamasmadavādhamaṃ vi madhyamaṃ śrathāya | athā vayamāditya vrate tavānāgaso aditaye syāma || śunaḥśepasyārṣam | dvitīyā vyākhyātā sandhyopāsane | he varuṇa uduttamaṃ pāśaṃ vivṛta 'cṛtī cchedane' vicchindhi, avādhamāni pāśabandhanāni vivṛta | jīvase jīvanāya ||