Kathakagrihyasutra 23.2

Kāṭhakagṛhyasūtrabhāṣya 23.2

Language: Sanskrit

23.2

anuṣṭubhau| he dātṛpratigrahītārau vaḥ yuṣmākaṃ sambandhīnyākūtānyabhiprāyaḥ samānāstulyānyekarūpāṇi āsati santu, kasyacidapi kanyāpahārādyabhiprāyo duṣṭo mābhūdityarthaḥ| evaṃ manaḥ samānamastu, ahaṃ ca vo yuṣmākaṃ tathā ā akaraṃ karomi japena, yathā su saha asati suṣṭhu vaḥ sahabhāvo bhavati, tathā manāṃsi samākaraṃ, vratāni ca sammilitāni karomītyarthaḥ| evaṃ cittāni caitanyāni samākaramiti yojyam| ye ca yuṣmākaṃ madhye vivratā viruddhācārāḥ yūyamiti kecit, amī iti pratyakṣaṃ tāneva mukhavikārādinā durācārāndarśayati, sthana bhavatha, tānna saṃnamayāmasi netivarṇopajanaḥ tānvayaṃ saṃnayāmaḥ samyak natān kurmaḥ sadācārān sampādayāma ityarthaḥ|
5|| || iti pañcadaśī kāṇḍikā|
15||

Previous: 22.5
Next: 24.p1
Up: 23

Linked texts (1)

Kāṭhakagṛhyasūtra — Laugākṣi, Sanskrit