Kathakagrihyasutra 28.1

Kāṭhakagṛhyasūtrabhāṣya 28.1

Language: Sanskrit

28.1

iyamapi pāribhāṣikī saṃjñā| haviṣyeṇa vrīhyādinā puṇye'hani kriyamāṇatā śabdapravṛttinimittam|
ekā vivāhohorātrarātristasyāḥ pūrvā yā dvitīyā rātriryasyāṃ pitā kanyāṃ vivāhayiṣyanbhavet vivāhayiṣyāmītyanenādhyavasānena yuktaḥ, athavā yāṃ bhaviṣyantīṃ rātrimadhikṛtya pitā kanyāṃ vivāhayiṣyansyāttasyā yā pūrvā dvitīyā rātristāmāśrityetikartavyatāpravṛttaḥ san tasyāmeva rātryāmatīte madhyamapraharadvaye mahāniśākhye pūrvavatsthālīpākena yāgaṃ kuryāt gururagnayādibhyo devatābhyaḥ |

Previous: 27.7
Next: 28.2
Up: 28

Linked texts (1)

Kāṭhakagṛhyasūtra — Laugākṣi, Sanskrit