Kathakagrihyasutra 55.11

Kāṭhakagṛhyasūtrabhāṣya 55.11

Language: Sanskrit

55.11

trayāṇāmapi varṇānāṃ parihitavāsasāmanenānumantraṇaṃ karotyupanetā| pariśabdaḥ pūrvavadihāpi vyavahitānvayaḥ| he māṇavaka tvamidaṃ vāsaḥ pari adhidhāḥ paryadhyathāḥ, ādhikyenotkarṣeṇa parihitavānasi svastaye'vināśāya yat, tattvamāpīvā āpīnaḥ pravṛddho bhava, anabhiśastyanabhiśastaṃ pāti rakṣatītyanabhiśastipāvā, śataṃ ca śaradāṃ jīva, suvīraśca śobhanaputrayukto bhava, tathā vasūni dhanāni udāraḥ sanvibhaja viśeṣeṇa bhajasva dehi vā parijanartvikprabhṛtibhyaḥ| suṣṭhu jīvan sujīvan sukhādinā jīvan||

Previous: 55.10
Next: 55.12.1
Up: 55

Linked texts (1)

Kāṭhakagṛhyasūtra — Laugākṣi, Sanskrit