Kathakagrihyasutra 55.19

Kāṭhakagṛhyasūtrabhāṣya 55.19

Language: Sanskrit

55.19

gururāha ko nāmāsīti| ka iti prajāpatināma| tathāca brāhmaṇaṃ - 'ko nāmāsīti prajāpatirvai ko nāmeti|' vedagrahaṇābhimukhatvātprajāpatirivāsīti stuticchalena sākṣāt praśno'yaṃ prativacanavidhānāt| guruṇā pṛṣṭaḥ śiṣyo'bhivādayate| svanāmoddhāraṇenāsāvityukte nāma pratīyāt viṣṇumitro'hamabhivādaye bho iti brahmacāriṇābhivādito guruḥ pratyabhivādanamāha plutāntam| 'pratyabhivāde'śūdre' (8.2.83) iti smṛterāyuṣmānedhi saumya viṣṇumitra 3 iti| smṛterapi - 'āyuṣmānbhava saumyeti vaktavyo'ntyākṣare plutaḥ|' iti|

Previous: 55.18
Next: 55.20
Up: 55

Linked texts (1)

Kāṭhakagṛhyasūtra — Laugākṣi, Sanskrit