Kathakagrihyasutra 55.21

Kāṭhakagṛhyasūtrabhāṣya 55.21

Language: Sanskrit

55.21

gṛhītahasta evācārya āha - savitābhimatasya janayitā ādityaste tava hastamagrahīt, ātmānameva savitṛtvenopacarati guruḥ| agnirācāryastava, nāham, ahamevāgnistavācāryo vedārthajñānatadanuṣṭhānatapaḥprabhṛtibhirjājvalyamānatvāt, kaḥ prajāpatiḥ sannahaṃ gururātmarūpeṇa kaṃ prajāpatimeva santaṃ tvāmahamupanaye asau viṣṇumitranāmā| sarveṣāmevāntaramekaḥ| sa eva ca saṃskārairaupādhikadoṣanivṛttyā saṃskriyate| kāya prajāpataye tvāmahaṃ paridadāmi parirakṣārthaṃ brahmaṇe tvāṃ samarpayāmītyarthaḥ|

Previous: 55.20
Next: 55.22
Up: 55

Linked texts (1)

Kāṭhakagṛhyasūtra — Laugākṣi, Sanskrit