Kathakagrihyasutra 55.24

Kāṭhakagṛhyasūtrabhāṣya 55.24

Language: Sanskrit

55.24

agneḥ putraḥ ṛgvedaḥ| vāyoḥ putro yajurvedaḥ| sūryasya putraḥ sāmavedaḥ| he ṛgveda yajurveda sāmaveda eṣa brahmacārī tubhyaṃ parirakṣārthaṃ datta iti te tava pratyekaṃ sambandhī, atastaṃ gopāyasva| tathā ca brāhmaṇamagnayādiputratvamṛgvedādīnāṃ darśayati -
‘prajāpatirvā eka āsītsa tapo'tapyata, tatastapastepānena trayo devā asṛjanta| agnirvāyurādityaste tapo'tapyanta tebhyastapastepānebhyastrayo vedā asṛjantāgnerṛgvedo vāyoryajurveda ādityātsāmavedaḥ’ iti| viṣṇuputro brahmaputraśceti sambhūtagrāmaḥ| athavā agneḥ putro bhūlokaḥ, asyādhiṣṭhātrī devatā agniḥ| evaṃ vāyuputro'ntarikṣalokaḥ, sūryaputro dyulokaḥ| yadvā puru bahu trāyate iti putraḥ, agniścāsau putro'gniputraḥ| evamanyatrāpi yojanā|

Previous: 55.23
Next: 55.25
Up: 55

Linked texts (1)

Kāṭhakagṛhyasūtra — Laugākṣi, Sanskrit