Kathakagrihyasutra 68.4

68.4

athaśabda ānantarye| hutapākayajñavidhiruktaḥ, anantaramahutapākayajñeṣu vaktavyeṣu sarvāhūtapākayajñaprakṛtibhūtā upahārā ucyante ityarthaḥ| vaiśravaṇīye hyupahārā dṛṣṭāste anyeṣāṃ prakṛtayaḥ| tathā cācārato'pi deśaviśeṣādiṣu yathāyathaṃ prasiddhāḥ| ato yathācāraṃ yathādevataṃ cānnaṃ pāyasakṛsarāpūpādikaṃ sādhayitvā dīpapuṣpadhūpādipūrvakaṃ savitṛdevatākenohitacaturthyantābhimatadevatānāmāntena ‘vināyakāyopahāram’ ityādyūhakalpanayā balimupaharet| ācārānatikrameṇa japāḥ, yasyai devatāyai balirupahiyate, taddaiva tairmantrairjapāḥ kartavyā ityarthaḥ| abhimatadevatāliṅgakamantrālābhe tu laukikena ślokādinopahāraḥ kartavyaḥ| uktaḥ śeṣa iti upahṛtaśeṣeṇa brāhmaṇān bhojayet, ādyāścetyādiḥ śeṣaḥ|| 1-4||
vyākhyātam||