Kathakagrihyasutra 71.5.5
Kāṭhakagṛhyasūtrabhāṣya 71.5.5
- Language
- Sanskrit
71.5.5
dyāvāpṛthivīye yājyānuvākye | ādyā gāyatrī, dvitīyā triṣṭup | dyauśca pṛthivī ca no'smākamimaṃ yajñaṃ mimikṣatāṃ siñcatāṃ kāmaiḥ pūrayatāmityarthaḥ | kīdṛśyau | mahī mahatyau | pipṛtāṃ ca pālayatāṃ ca bharīmabhiḥ bharaṇīyairābharaṇīyaiḥ | dyāvāpṛthivyau idaṃ havirjuṣetāmityadhyāhāraḥ | kīdṛśyau | ghṛtavatyau | tathā bhuvanānāṃ trayāṇāṃ lokānāmabhiśriyā āśrayabhūte | urvī vitate | pṛthvī vipule | madhu pānīya duhāte iti madhudughe | supeśasau, peśo rūpaṃ, surūpe | tathā varuṇasya devasya sambandhinā dharmaṇā dhāraṇena viṣkambhite avaṣṭabdhe dhārite 'varuṇastvottambhātu' iti mantraḥ | ajare avināśinyau | bhūriretasau bahubīje sarvasya tajjanyatvāt udakaṃ vā reto bahūdake | ṣaḍbhirajyānībhirjuhuyādityuktam | tā vyākhyāyante ṣaṭ |