Kaushikasutra 12.3
Kauśikasūtra 12.3
- Language
- Sanskrit
12.3
[92].1) dadhi ca madhu brāhmo madhuparkaḥ
[92].2) pāyasa aindro madhuparkaḥ
[92].3) madhu cājyaṃ ca saumyo madhuparkaḥ
[92].4) manthaś cājyaṃ ca pauṣṇo madhuparkaḥ
[92].5) kṣīraṃ cājyaṃ ca sārasvato madhuparkaḥ
[92].6) surā cājyaṃ ca mausalo madhuparkaḥ
[92].7) sa khalu_eṣa dvaye bhavati sautrāmaṇyāṃ ca rājasūye ca
[92].8) udakaṃ cājyaṃ ca vāruṇo madhuparkaḥ
[92].9) tailaṃ cājyaṃ ca śrāvaṇo madhuparkaḥ
[92].10) tailaś ca piṇḍaś ca pārivrājako madhuparkaḥ
[92].11) iti khalu_eṣa navavidho madhuparko bhavati
[92].12) athāsmai gāṃ vedayante gaur bho iti
[92].13) tān pratimantrayate | <bhūtam asi bhavad asy annaṃ prāṇo bahur bhava | jyeṣṭhaṃ yan nāma nāmata oṃ bhūr bhuvaḥ svar janad om [-]> iti
[92].14) atisṛjati | <mātādityānāṃ duhitā vasūnāṃ svasā rudrāṇām amṛtasya nābhiḥ | pra ṇo vocaṃ cikituṣe janāya mā gām anāgām aditiṃ vadhiṣṭa || [cf. .RV 8.101.15]> oṃ tṛṇāni gaur attv iti āha
[92].15) <sūyavasād [7.73.11]> iti pratiṣṭhamānām anumantrayate
[92].16) nālohito madhuparko bhavati
[92].17) nānujñānam adhīmahe_iti kuruta_ity eva brūyāt
[92].18) <svadhite mainaṃ hiṃsīḥ [VSM 6.15, ManB 1.6.6]>_iti śastraṃ prayachati
[92].19) pāpmānaṃ me 'pa jahīti kartāram anumantrayate
[92].20) āgneyīṃ vapāṃ kuryuḥ
[92].21) api vā brāhmaṇa eva prāśnīyāt tad devataṃ hi tad dhavir bhavati
[92].22) athāsmai snānam anulepanaṃ mālābhyañjanam iti
[92].23) yad atra_upasamāhāryaṃ bhavati tad upasamāhṛtya
[92].24) atha_upāsakāḥ prāya_upāsakāḥ smo bho iti vedayante
[92].25) tān pratimantrayate | <bhūyāṃso bhūyāsma ye ca no bhūyasaḥ kārṣṭāpi ca no 'nye bhūyāṃso jāyantām>
[92].26) asya ca dātur iti dātāram īkṣate
[92].27) athānnāhārāḥ prāpyānnāhārāḥ smo bho iti vedayante
[92].28) tān pratimantrayate | <annādā bhūyāsma ye ca no 'nādān kārṣṭāpi ca no 'nye 'nnādā bhūyāṃso jāyantām>
[92].29) asya ca dātur iti dātāram īkṣate
[92].30) āhṛte_anne juhoti <yat kāma kāmayamānā [19.52.1, sakala follows thus PS 1.30.5]> ity etayā
[92].31) <yat kāma kāmayamānā idaṃ kṛṇmasi te haviḥ | tan naḥ sarvaṃ sam ṛdhyatām athaitasya haviṣo vīhi svāhā [19.52.1, sakala thus PS 1.30.5]>_iti
[92].32) eṣa ācāryakalpa eṣa ṛtvikkalpa eṣa saṃyuktakalpa eṣa vivāhakalpa eṣo_atithikalpa eṣo 'tithikalpaḥ
12.3.p1
(KauśS 12 Colophon) iti atharvavede kauśikasūtre dvādaśo 'dhyāyaḥ samāptaḥ
Commentaries (2)
- Kauśikapaddhati — Keśava (Kauśikapaddhati), Sanskrit
- Kauśikasūtrabhāṣya — Dārila, Sanskrit
Linked texts (1)
- Vedārthaprakāśa (Mādhavācārya alias Sāyaṇācārya) — Mādhavācārya alias Sāyaṇācārya, Sanskrit
Discussed in (1)
- A Vedic Concordance — Bloomfield 1906, English