Kaushikasutra 13.5

13.5

[97].1) atha yatra_etat kulaṃ kalahi bhavati tan nirṛtigṛhītam ity ācakṣate
[97].2) tatra juhuyāt
[97].3) <ārād arātim [8.2.12]> iti dve
[97].4) <ayāś cāgne 'sy anabhiśastiś ca satyam it tvam ayā asi | ayāsā manasā kṛto 'yās +san [ed. 'yāsya] havyam ūhiṣe | ā [+ayā?] no dhehi bheṣajam | [MS 1.4.3:51.10, KS 5.4:57.1-4, KauśS 1.5.12 etc.]> || <svāhā>_ity agnau hutvā
[97].5) tatra_eva_etān homāñ juhuyāt
[97].6) <ārād agniṃ kravyādaṃ nirūhañ jivātave te paridhiṃ dadhāmi | indrāgnī tvā brahmaṇā vāvṛdhānāv āyuṣmantāv uttamaṃ tvā karāthaḥ || indrāgnibhyāṃ svāhā [8.2.9cd, PS 16.3.8cd; PS 1.83.4cd]>_iti hutvā
[97].7) <apeta etu nirṛtir [PS 19.23.4ff.]> ity anena sūktena juhuyāt
[97].8) <apeta etu nirṛtir nehāsyā api kiṃ cana | apāsyāḥ satvanaḥ pāśān mṛtyūn ekaśataṃ nude || ye te pāśā ekaśataṃ mṛtyo martyāya hantave | tāṃs te yajñasya māyayā sarvā;m apa yajāmasi || nir ito yantu nairṛtyā mṛtyava ekaśataṃ paraḥ sedhāmaiṣāṃ yat tamaḥ prāṇaṃ jyotiś ca dadhmahe || [PS 19.23.4-6]> <ye te śataṃ varuṇa ye sahasraṃ yajñiyāḥ pāśā vitatā mahāntaḥ | tebhyo asmān varuṇaḥ soma indro viśve muñcantu marutaḥ svarkāḥ || [PS 18.82.7]> <brahma bhrājad udagād antarikṣaṃ divaṃ ca brahmāvādhūṣṭāmṛtena mṛtyum | brahmopadraṣṭā sukṛtasya sākṣād brahmāsmad apa hantu śamalaṃ tamaś ca || [PS 16.150.2]>
[97].9) varam anaḍvāham iti samānam