Kaushikasutra 3.3

3.3

[20].1) <sīrā yuñjanti [3.17.1]> iti yugalāṅgalaṃ pratanoti
[20].2) dakṣiṇam uṣṭāraṃ prathamaṃ yunakti
[20].3) <ehi pūrṇaka [-]>_ity uttaram
[20].4) kīnāśā itarān
[20].5) <aśvinā phālaṃ kalpayatām upāvatu bṛhaspatiḥ | yathāsad bahudhānyam ayakṣmaṃ bahupūruṣam [PS 8.18.6]> iti phālam atikarṣati
[20].6) <irāvān asi dhārtarāṣṭre tava me sattre rādhyatām [-]> iti pratimimīte
[20].7) <apahatāḥ pratiṣṭhāḥ [-]> ity apūpaiḥ pratihatya kṛṣati
[20].8) sūktasya pāraṃ gatvā prayachati
[20].9) tisraḥ sītāḥ prācīr gamayanti kalyāṇīr vāco vadantaḥ
[20].10) <sīte vandāmahe tvā [3.17.8]> ity āvartayitvā_uttarasmin sītānte puroḍāśena_indraṃ yajate
[20].11) aśvinau sthālīpākena
[20].12) sītāyāṃ saṃpātān ānayanti
[20].13) udapātre_uttarān
[20].14) śaṣpahaviṣām avadhāya
[20].15) sarvam anakti
[20].16) yatra saṃpātān ānayati tato loṣṭaṃ dhārayantaṃ patnī pṛchaty akṛkṣata_iti
[20].17) akṛkṣāma_iti
[20].18) kim āhārṣīr iti
[20].19) <vittiṃ bhūtiṃ puṣṭiṃ prajāṃ paśūn annam annādyam [cf. i.a. PS 5.35.1, PS 19.53.19? (= PSK 19.53.10)]> iti
[20].20) uttarato madhyamāyāṃ nivapati
[20].21) abhyajya_uttaraphālaṃ prātar āyojanāya nidadhāti
[20].22) sītāśiraḥsu darbhān āstīrya plakṣa_udumbarasya trīṃs_trīṃś camasān nidadhāti
[20].23) rasavato dakṣiṇe śaṣpavato madhyame puroḍāśavata uttare
[20].24) darbhān pratyavabhujya saṃvapati
[20].25) sārūpavatse śakṛtpiṇḍān guggululavaṇe pratinīyāśnāti
[20].26) anaḍutsāṃpadam