Kaushikasutra 3.7
Kauśikasūtra 3.7
- Language
- Sanskrit
3.7
[24].1) <uc chrayasva [6.142]> iti bījopaharaṇam
[24].2) ājyamiśrān yavān urvarāyāṃ kṛṣṭe phālena_uduhyānvṛcaṃ kāśīn ninayati nivapati
[24].3) <abhi tyam [7.14]> iti mahāvakāśe_araṇya unnate vimite prāgdvārapratyagdvāreṣv apsu saṃpātān ānayati
[24].4) kṛṣṇājine somāṃśūn vicinoti
[24].5) somamiśreṇa saṃpātavantam aśnāti
[24].6) ādīpte saṃpannam
[24].7) <tāṃ savitaḥ [7.15]> iti gṛṣṭidāma badhnāti
[24].8) <saṃ mā siñcantu [7.33]> iti sarvodake maiśradhānyam
[24].9) <divyaṃ suparṇaṃ [7.39]> ity ṛṣabhadaṇḍino vapayā_indraṃ yajate
[24].10) anubaddhaśiraḥpādena gośālāṃ carmaṇāvachādyāvadānakṛtaṃ brāhmaṇān bhojayati
[24].11) proṣya samidha ādāya_ <ūrjaṃ bibhrad [7.60]> iti gṛhasaṃkāśe japati
[24].12) savyena samidho dakṣiṇena śālāvalīkaṃ saṃstabhya japati
[24].13) ativrajya samidha ādhāya <sumaṅgali prajāvati suśīme [so Caland; ed. susīme] _ahaṃ vāṃ gṛhapatir jīvyāsam> iti sthūṇe gṛhṇāty upatiṣṭhate
[24].14) <yad vadāmi [12.1.58]> iti mantroktam
[24].15) gṛhapatnyāsāde_upaviśya_udapātraṃ ninayati
[24].16) <ihaiva sta [7.60.7]> iti pravatsyann avekṣate
[24].17) <sūyavasād [7.73.11]> sūyavase paśūn niṣṭhāpayati
[24].18) dūrvāgrair añjalau_apa ānīya darśaṃ dārśībhir upatiṣṭhate
[24].19) <indrasya kukṣir [7.111]> <sāhasras [9.4]> ity ṛṣabhaṃ saṃpātavantam atisṛjati
[24].20) retodhāyai tvātisṛjāmi vayodhāyai tvātisṛjāmi yūthatvāyai tvātisṛjāmi gaṇatvāyai tvātisṛjāmi sahasrapoṣāyai tvātisṛjāmy aparimitapos.āyai tvātisṛjāmi
[24].21) <etaṃ vo yuvānaṃ [9.4.24]> iti purāṇaṃ pravṛtya navam utsṛjate saṃprokṣati
[24].22) uttareṇa puṣṭikāma ṛṣabheṇa_indraṃ yajate
[24].23) saṃpatkāmaḥ śvetena paurṇamāsyām
[24].24) <satyaṃ bṛhad [12.1]> ity āgrahāyaṇyām
[24].25) paścād agner darbheṣu khadāyāṃ sarvahutam
[24].26) dvitīyaṃ saṃpātavantam aśnāti
[24].27) tṛtīyasyāditiḥ saptabhir <bhūme mātar [12.1.63]> iti trir juhoti
[24].28) paścād agner darbheṣu kaśipu_āstīrya <vimṛgvarīṃ []> ity upaviśati
[24].29) <yās te śivās [9.2.25]> iti saṃviśati
[24].30) <yac chayānaḥ []> iti paryāvartate
[24].31) navabhiḥ <śantivā [12.1.59]> iti daśamyā_ <ud āyuṣā [3.31.10]> ity upottiṣṭhati
[24].32) <ud vayaṃ [7.53.7]> ity utkrāmati
[24].33) <udīrāṇā [12.1.28]> iti trīṇi padāni prāṅ vā_udaṅ vā bāhyena_upaniṣkramya <yāvat te [12.1.33]> iti vīkṣate
[24].34) unnatāc ca
[24].35) purastād agneḥ sīraṃ yuktam udapātreṇa saṃpātavatāvasiñcati
[24].36) āyojanānām apyayaḥ
[24].37) <yasyāṃ sadohavirdhāne [12.1.38-40]> iti juhoti varo ma āgamiṣyatīti
[24].38) <yasyām annaṃ [12.1.42]> ity upatiṣṭhate
[24].39) <nidhiṃ bibhrati [12.1.44-45]> iti maṇiṃ hiraṇyakāmaḥ
[24].40) evaṃ vittvā
[24].41) <yasyāṃ kṛṣṇam [12.1.52]> iti vārṣakṛtasyācamati śirasy ānayate
[24].42) <yaṃ tvā pṛṣatī rathe [13.1.21-26]> iti dyauḥ pṛṣaty ādityo rohitaḥ
[24].43) pṛṣatīṃ gāṃ dadāti
[24].44) pṛṣatyā kṣīraudanaṃ sarvahutam
[24].45) puṣṭikarmaṇām upadhānopasthānam
[24].46) salilaiḥ sarvakāmaḥ salilaiḥ sarvakāmaḥ
3.7.p1
(KauśS 3 Colophon) iti atharvavede kauśikasūtre tṛtīyo 'dhyāyaḥ samāptaḥ
Commentaries (3)
- Kauśikapaddhati — Keśava (Kauśikapaddhati), Sanskrit
- Kauśikasūtrabhāṣya — Dārila, Sanskrit
- Dārilabhāṣya — Dārila, Sanskrit
Linked texts (1)
- A Vedic Concordance — Maurice Bloomfield, English