Kaushikasutra 7.7

7.7

[56].1) <śraddhāyā duhitā [6.133.4]>_iti dvābhyāṃ bhādramauñjīṃ mekhalāṃ badhnāti
[56].2) mitrāvaruṇayos tvā hastābhyāṃ prasūtaḥ praśiṣā prayachāmīti pālāśaṃ daṇḍaṃ prayachati
[56].3) mitrāvaruṇayos tvā hastābhyāṃ prasūtaḥ praśiṣā pratigṛhṇāmi | suśravaḥ suśravasaṃ mā kurv avakro 'vithuro 'haṃ bhūyāsam iti pratigṛhṇāti
[56].4) <śyeno 'si [6.48.1]>_iti ca
[56].5) atha_enaṃ vratādānīyāḥ samidha ādhāpayati
[56].6) <agne vratapate vrataṃ cariṣyāmi tac chakeyaṃ tat samāpeyaṃ tan me rādhyatāṃ tan me samṛdhyatāṃ tan me mā vyanaśat tena rādhyāsaṃ tat te prabravīmi tad upākaromi agnaye vratapataye svāhā [cf. TS 1.5.10.3 etc.]>
[56].7) <vāyo vratapate | sūrya vratapate | candra vratapate | āpo vratapatnyo | devā vratapatayo | vratānāṃ vratapatayo vratam acāriṣaṃ tad aśakaṃ tat samāptaṃ tan me rāddhaṃ tan me samṛddhaṃ tan me mā vyanaśat tena rādho 'smi tad vaḥ prabravīmi tad upākaromi vratebhyo vratapatibhyaḥ svāha [cf. TS 1.6.6.3 etc.]>
[56].8) atha_enaṃ baddhamekhalam āhitasamitkaṃ sāvitrīṃ vācayati
[56].9) pacchaḥ prathamam
[56].10) tato_ardharcaśaḥ
[56].11) tataḥ saṃhitām
[56].12) atha_enaṃ saṃśāsti_<agneś cāsi brahmacārin mama cāpo 'śāna karma kurūrdhvas tiṣṭhan mā divā svāpsīḥ samidha ādhehi [cf. ManB 1.6.23]>
[56].13) atha_enaṃ bhūtebhyaḥ paridadāti_<agnaye tvā paridadāmi brahmaṇe tvā paridadāmy udaṅkyāya tvā śūlvāṇāya paridadāmi śatruṃjayāya tvā kṣātrāṇāya paridadāmi mārtyuṃjayāya tvā mārtyavāya paridadāmy aghorāya tvā paridadāmi takṣakāya tvā vaiśāleyāya paridadāmi hāhāhūhūbhyāṃ tvā gandharvābhyāṃ paridadāmi yogakṣemābhyāṃ tvā paridadāmi bhayāya ca tvābhayāya ca paridadāmi viśvebhyas tvā devebhyaḥ paridadāmi sarvebhyas tvā devebhyaḥ paridadāmi viśvebhyas tvā bhūtebhyaḥ paridadāmi sarvebhyas tvā bhūtebhyaḥ paridadāmi saprajāpatikebhyaḥ [cf. BhārGS 1.8:8.1ff.]>
[56].14) <svasti caratād iha [cf. PS 20.53.2, HirGS 1.5.1]>_iti <mayi ramantāṃ brahmacāriṇaḥ [-]>_ity anugṛhṇīyāt
[56].15) nānupraṇudet
[56].16) <praṇītīr abhyāvartasva [7.105.1]>_ity abhyātmam āvartayati
[56].17) <yathāpaḥ pravatā yanti yathā māsā aharjaram | evā mā brahmacāriṇo dhātar ā yantu sarvadā || [PS 20.52.9]> svāhā_ity ācāryaḥ samidham ādadhāti