Kaushikasutra 7.8

7.8

[57].1) <śraddhāyā [ed. misprint: śrādhayā; see Caland, Kl. Schr., p. 51, Bloomfield GGA 1902 514] duhitā [6.133.4]>_iti dvābhyāṃ bhādramauñjīṃ mekhalāṃ brāhmaṇāya badhnāti
[57].2) maurvīṃ kṣatriyāya dhanurjyāṃ vā
[57].3) kṣaumikīṃ vaiśyāya
[57].4) mitrāvaruṇayos tvā hastābhyāṃ prasūtaḥ praśiṣā prayachāmīti pālāśaṃ daṇḍaṃ brāhmaṇāya prayachati
[57].5) āśvatthaṃ kṣatriyāya
[57].6) nyagrodhāvarohaṃ vaiśyāya
[57].7) yadi_asya daṇḍo bhajyeta <ya ṛte cid abhiśriṣaḥ [14.2.47]>_ity etayālabhyābhimantrayate
[57].8) sarvatra śīrṇe bhinne naṣṭe_anyaṃ kṛtvā <punar maitv indriyaṃ [7.67.1]>_ity ādadhīta
[57].9) atha vāsāṃsi
[57].10) aiṇeyahāriṇāni brāhmaṇasya
[57].11) rauravapārṣatāni kṣatriyasya
[57].12) ājāvikāni vaiśyasya
[57].13) sarveṣāṃ kṣaumaśāṇakambalavastram
[57].14) kāṣāyāṇi
[57].15) vastraṃ cāpi_akāṣāyam
[57].16) bhavati bhikṣāṃ dehīti brāhmaṇaś caret
[57].17) bhikṣāṃ bhavatī dadātv iti kṣatriyaḥ
[57].18) dehi bhikṣāṃ bhavatīt vaiśyaḥ
[57].19) sapta kulāni brāhmaṇaś caret trīṇi kṣatriyo dve vaiśyaḥ
[57].20) sarvaṃ grāmaṃ cared bhaikṣaṃ stenapatitavarjam
[57].21) <mayy agre [7.82.2]>_iti pañcapraśnena juhoti
[57].22) <saṃ mā siñcantu [7.33.1]>_iti triḥ paryukṣati
[57].23) <yad agne tapasā tapa [7.61.1]>_<agne tapas tapyāmaha [7.62.2]> iti dvābhyāṃ parisamūhayati
[57].24) <idam āpaḥ pravahata [7.89.3]>_iti pāṇī praksālayate
[57].25) <saṃ mā siñcantu [7.33.1]>_iti triḥ paryukṣati
[57].26) <agne samidham āhārṣaṃ [19.64.1]>_ity ādadhāti catasraḥ
[57].27) <edho 'sy [7.89.4]>_ity ūṣmabhakṣaṃ bhakṣayati_ā nidhanāt
[57].28) <tvaṃ no medhe [6.108.1]>_ity upatiṣṭhate
[57].29) <yad annam [6.71.1]> iti tisṛbhir bhaikṣasya juhoti
[57].30) aharahaḥ samidha āhṛtya_evaṃ sāyaṃprātar abhyādadhyāt
[57].31) medhājanana āyuṣyair juhuyāt
[57].32) yathākāmaṃ dvādaśarātram arasāśī bhavati