Kaushikasutra 8.6

8.6

[65].1) <aghāyatām [10.9.1]> ity atra mukham apinahyamānam anumantrayate
[65].2) <sapatneṣu vajram [10.9.1b]>_<grāvā tvaiṣo [10.9.2d]>_iti nipatantam
[65].3) <vediṣ ṭe [10.9.2]>_iti mantroktam āstṛṇāti
[65].4) viṃśatyodanāsu śrayaṇīṣu śatam avadānāni vadhrīsaṃnaddhāni pṛthagodaneṣūpary ādadhati
[65].5) madhyamāyāḥ prathame randhriṇyāmikṣāṃ daśame_abhitaḥ saptasaptāpūpān pariśrayati
[65].6) pañcadaśe puroḍāśau
[65].7) agre hiraṇyam
[65].8) <apo devīr [10.9.27]>_ity agrata udakumbhān
[65].9) <bālās te [10.9.3]>_iti sūktena saṃpātavatīm
[65].10) pradakṣiṇam agnim anupariṇīya_upaveśanaprakṣālanācamanam uktam
[65].11) pāṇau_udakam ānīya
[65].12) athāmuṣya_odanasyāvadānānāṃ ca madhyāt pūrvārdhāt_ca dvir avadāya_upariṣṭād udakenābhighārya juhoti <somena pūto jaṭhare sīda brahmaṇām [11.1.25c]> <ārṣeyeṣu ni dadha odana tvā [11.1.33a]>_iti
[65].13) atha prāśnāti
[65].14) <agneṣ ṭvāsyena prāśnāmi bṛhaspater mukhena | indrasya tvā jaṭhare sādayāmi varuṇasyodare | tad yathā hutam iṣṭaṃ prāśnīyād devātmā tvā prāśnāmy ātmāsy ātmann ātmānaṃ me mā hiṃsīr [PS 20.57.14; cf. PS 9.21.1ff., VSK 2.3.5+7, VaitS 3.11]> iti prāśitam anumantrayate
[65].15) <yo 'gnir nṛmaṇā nāma brāhmaṇeṣu praviṣṭaḥ | tasmin ma eṣa suhuto 'stv odanaḥ sa mā mā hiṃsīt parame vyoman || so asmabhyam astu parame vyomann [cf. PS 20.57.15, PS 16.72.9]> iti dātāraṃ vācayati
[65].16) vīkṣaṇāntam śataudanāyāḥ prātarjapena vyākhyātam