Khadiragrihyasutra 8.0.p2

Khādiragṛhyasūtravṛtti 8.0.p2

Language: Sanskrit

8.0.p2

mātuḥ piturvā rucyā yadākadācit śiśorniṣkramaṇe prāpte tadupakramaniyamo'yam| daivānmānuṣādvā hetoḥ niṣkramaṇe kṛte'pi saṃskārārthamasmin kāle kuryādeva | evamuttaratrāpi | kālātyaye tukta eva nyāyaḥ sarveṣu saṃskāreṣu | jyotsnā candraprabhā tadyogāt pūrvapakṣo jyotsnaḥ | jananādūrdhvaṃ ye jyotsnāḥ teṣāṃ tṛtīye tṛtīyāyāṃ tithāvityarthaḥ | yadi pūrvapakṣe jananaṃ syāt nāsau gaṇayitavyaḥ | kṛtsnasya jananādūrdhvatvābhāvāt | tathā ca manuḥ- ’caturthe māsi kartavyaṃ śiśorniṣkramaṇaṃ gṛhāt’iti | upasthānakāle tṛtīyāniyamaḥ | śāntāsu uparatādityaraśmiṣu dikṣūpatiṣṭhediti darbheṣu tiṣṭhet candrābhimukho vakṣyamāṇaprakāreṇa kumāramādāya mantraiścandramasamabhidadhyādityarthaḥ ||

Previous: 8.0.p1
Next: 8.0.p3
Up: 8.0

Linked texts (1)

Khādiragṛhyasūtra — Khādira, Sanskrit