Manavagrihyasutra 1.21
Mānavagṛhyasūtra 1.21
- Language
- Sanskrit
Contents
- 1.21.1 — 2 parts
- 1.21.2 — 1 part
- 1.21.5 — 3 parts
- 1.21.6 — 1 part
- 1.21.7 — 1 part
- 1.21.9 — 1 part
- 1.21.13 — 3 parts
1.21.1
udagayane jyautsne puṇye nakṣatre 'nyatra navābhyām //
1.21.1.p1
jayaprabhṛtirhutvā--
1.21.1.p2
'uṣṇena vāyurudakenedyajamānasyāyuṣā
savitā varuṇodadhadyajamānāya dāśuṣe'
1.21.2
ityuṣṇā apo 'bhimantrayate //
1.21.2.p1
aditiḥ keśānvapatvāya udantu jīvase
dhārayatu prajāpatiḥ punaḥ punaḥ svastaye' //
1.21.3
ityabhyundati //
1.21.4
oṣadhe trāyasvaināmiti dakṣiṇāsminkeśānte darbhamantardadhāti //
1.21.5
svadhite mainaṃhisīriti kṣuraṇābhinidadhāti //
1.21.5.p1
yenāvapatsavitā kṣureṇa somasya rājño varuṇasya keśān /
tena brāhmaṇo vapatvāyuṣmānayaṃ jaradaṣṭhirastu //
1.21.5.p2
yena pūṣā bṛhaspaterindriyasya cāyuṣe 'vapat /
tena te vapāmyāyuṣe dīrdhāyutvāya jīvase //
1.21.5.p3
yena bhūyaścaratyayaṃ jyokca paśyati sūryaḥ /
tena te vapāmyāyuṣe suślokyāya svastaye //
1.21.6
iti tisṛbhistriḥ pravapati //
1.21.6.p1
yatkṣureṇa vartayatā sutejasā vaptarvapasi keśān /
śundhi śiro māsyāyuḥ pramorṣīḥ //
1.21.7
iti lauhāyasaṃ kṣuraṃ keśāvāpāya prayacchati //
1.21.7.p1
mā te keśānanugādvarca etattathā dhātā dadhātu te /
tubhyamindro varuṇo bṛhaspatiḥ savitā varcā ādadhuḥ //
1.21.8
iti pravapato 'numantrayate //
1.21.9
suhṛtparigrāhaṃ haritagośakṛtpiṇḍe samavacinoti //
1.21.9.p1
uptvāya keśānvaruṇāsya rājño bṛhaspatiḥ savitā viṣṇuragniḥ /
tebhyo nidhānaṃ mahataṃ na vidannantarā dyāvāpṛthivyorapasyuḥ //
1.21.10
iti prāgudīco hriyamāṇānanumantrayate //
1.21.11
arikte patnyā śleṣayediti śrutiḥ //
1.21.12
varaṃ kartre dadāti pakṣmaguḍaṃ tilapiślaṃ ca keśavāpāya //
1.21.13
etena tu kalpena ṣoḍaśe varṣe godānamagniṃ vādhyeṣyamāṇasyāgnirgodāniko maitrāyaṇiriti śrutiḥ //
1.21.13.p1
aditiḥ śmaśruḥ vapatvityūdena śmaśrupravapati śundhi mukhamiti ca //
1.21.13.p2
ityekaviṃśaḥ khaṇḍaḥ //21//
1.21.13.p3
dvāviṃśaḥ khaṇḍaḥ
Linked texts (2)
- Kāṭhakagṛhyasūtra — Laugākṣi, Sanskrit
- Vārāhagṛhyasūtra (another edition) — Sanskrit