Mekhala 8.2-4.2

8.2-4.2

chandasā saptadaśena stomena vairūpeṇa sāmnā viśvedevairdevatayā prajāṃ te puṣṭimadade'sau | idamahamānuṣṭubhena chandasaikaviṃśena stomena vairājena sāmnā prajāpatinā devatayā'yuste dīrghāyutvamādade'sau || imamagna āyuṣye varcase
kṛdhi tigmamojo varuṇa saṃśiśādhi, mātevāsmā adite śarma yaccha viśvedevā jaradaṣṭiryathā sat || viśvakarmā
viśvadevo viśvajidviśvadarśitaḥ | te tvā ghṛtasya
dhārayā śreṣṭhyāya samasṛṣata || yato vāto manojavā yataḥ kṣiranti sindhavaḥ | tāsāṃ tvā sarvāsāṃ
rucābhiṣiñcāmi varcasā || abhi tvā varcasā'sicaṃ yajñena payasā saha | yathāso mitravardhanastathā tvā savitākarat || indraṃ viśvā avīvṛdhatsamudraṃ vyacasaṅgiraḥ
rathītamaṃ rathīnāṃ vājānāṃ satpatiṃ patim || apāṃ yo
dravaṇe rasastenāhamimama'muma'muṣyāyanama'muṣyāḥ putraṃ tejase brahmavarcasāyābhiṣiñcāmi | apāṃ ya ūrmau rasastenāhamimama'mumamuṣyāyanamamuṣyāḥ putramojase kṣatrāyābhiṣiñcāmi | apāṃ yo madhye rasastenāhamimamamumamuṣyāyenamamuṣyāḥ putraṃ prajāyai puṣṭyāya'bhiṣiñcāmi | apāṃ
yā yajñiyā tanūstayāhamimamamumamuṣyāyanamamuṣyāḥ putramāyuṣe dīrghāyatvāyābhiṣiñcāmi || oṃ niṣasāda dhṛtavrato varuṇaḥ pastyāsvā sāmrājyaṃ sukratuḥ | devasya
tvā savituḥ prasave'śvinorbāhubhyāṃ pūṣṇo hastābhyāṃ,
aśvinorbhaiṣajyena tejase brahmavarcasāyābhiṣiñcāmi | devasya tvā savituḥ prasave'śvinorbāhubhyāṃ pūṣṇo hastābhyāṃ
sarasvatyā bhaiṣajyena vīryāyānnādyāyābhiṣiñcāmi | devasya
tvā savituḥ prasave'śvinorbāhubhyāṃ pūṣṇo hastābhyāṃ,