Paraskaragrihyasutra 4.16.2

4.16.2

eke ācāryāḥ vivāhe pāṇigrahe nirmanthyamāraṇeyamagniṃ vaivāhikahomādhikaraṇamicchaṃti | atha vivāhākhyaṃ karmāha udagayane mṛgādirāśiśaṭkasthite ravau | āpūryamāṇapakṣe śuklapakṣe puṇyāhe jyotiḥśāstroktaviṣṭyādidoṣarahite | kumāryyāḥ ananyapūrvikāyāḥ kanyāyāḥ | anena viṃśatimasūtāyāḥ smṛtyaṃtaravihitasya punarvivāhasyāniyamaḥ | icchā cetkaroti | pāṇiṃ gṛhṇīyāt | pāṇiṃ hastaṃ svagṛhyoktavidhinā gṛhṇīyāt | asminnayanapakṣadināni niyamya nakṣatraniyamamāha uttarāḥ ādiryeṣāṃ tānyuttarādīni teṣu katiṣu triṣu triṣu tathā hi uttarāhastacitrā iti trīṇi | uttarāśravaṇadhaniṣṭhā iti trīṇi | tathā uttārārevatyaśvinya iti trīṇi | svātau mṛgaśirasi rohiṇyāṃ vā | eteṣāṃ nakṣatrāṇāmanyatame ityarthaḥ | kumāryāḥ pāṇiṃ gṛhṇīyāt iti sāmānyenoktaṃ tatra viśeṣamāha brāhmaṇasya dvijāgryasya varṇānupūrvyeṇa varṇakrameṇa tisraḥ brāhmaṇīkṣatriyāvaiśyā vivāhyā bhavaṃti | dve kṣatriyāvaiśye rājanyasya vivāhye bhavataḥ | ekā vaiśyaiva vaiśyasya vivāhyā bhavati | varṇānupūrvyagrahaṇāt vyutkramo niṣiddhaḥ