Paraskaragrihyasutra 7.6

7.6

( athaināmaśmānamārohayatyuttarato'gnerdakṣiṇapādenārohemamityādi pṛtanāyata ityaṃtaṃ sūtram ) atha pāṇigrahaṇānaṃtaram enāṃ vadhūmū aśmānaṃ dṛṣadamū uttarato'gnerdhriyamāṇaṃ dakṣiṇapādena kṛtvā ārohayati ārohemamityādi pṛtanāyata iti maṃtreṇa | ( atha gāthāṃ gāyati ) | atha aśmārohaṇānaṃtaraṃ gāthāṃ gāyati tāṃ gāthāmāha ( sarasvati predamavetyādikāṃ uttamaṃ yaśa ityaṃtām | atha parikrāmatastubhyamagne iti ) atha gāthāyāṃ samāptāyāmagniṃ prādakṣiṇyeena parikrāmato vadhūvarau tatra maṃtraḥ | tubhyamagne paryavahannityādikasya prajayā sahetyaṃtasya maṃtrasya varapaṭhitasyānte | atra hastagrahaṇādiparikramaṇānteṣu karmasu vara eva maṃtrānpaṭhati ( evaṃ dviraparaṃ lājādi ) evamuktaprakāreṇa dviḥ vāradvayamaparaṃ punarapi lājādi kumāryā ātetyārabhya parikramaṇāṃtaṃ karma bhavati ( caturtham̐0 śūrpakuṣṭhyā sarvām̐llājānāvapati bhagāya svāheti ) tataḥ tṛtīyaparikramaṇānaṃtaraṃ kumāryāḥ bhrātā śūrpakuṣṭhayā śūrpasya koṇena sarvān yāvacchūrpe'vaśiṣṭān lājān kumāryā aṃjalau āvapati nikṣipati | tān lājān tiṣṭhatī kumārī bhagāya svāheti maṃtreṇa caturthaṃ juhoti | tataḥ samācārāt tūṣṇīṃ caturthaṃ parikramaṇaṃ vadhūvarau kurutaḥ | netarathāvṛttim | itarathāvṛtteḥ kāraṇasya vyavavāyasya abhāvāt | brahmāgnyoraṃtarāgamanaṃ hi itarathāvṛttikāraṇaṃ kuta iti cet ' haviḥpātrasvāmyṛtvijāṃ pūrvaṃ pūrvamaṃtaramṛtvijāṃ ca yathāpūrvam iti paribhāṣāsūtrāt | tena parikramaṇaṃ kurvaṃtau vadhūvarau brahmāgnyormadhye na gacchetām (triḥ pariṇītāṃ prājāpatyarṭha0 hutvā) pūrvavadupaviśya prajāpataye svāhā iti brahmānvārabdho hutvā idaṃ prajāpataye iti tyāgaṃ vidhāya || iti śrīhariharakṛte pāraskaragṛhyasūtrabhāṣye prathamakāṃḍe saptamī kaṃḍikā |