Paraskaragrihyasutra 30.9

30.9

śeṣaḥ| stryādīnāṃ pañcānāmadarśanaṃ kāryam| kṛṣṇaśakuniḥ kākaḥ| taistryādibhiryasya yena yādṛk saṃbhāṣaṇaṃ prāptaṃ tādṛṅniṣidhyate| śavādīnāmannaṃ ca nādyāt| tatra śavānnaṃ krītvā labdhvā vā yadadyate tadpratiṣedhaḥ| śūdrānnaṃ bhojyānnasyāpi śūdrasya nāpitāderannam| sūtakānnaṃ daśāhādarvāk prasave sati| ātape mūtrāditrayaṃ na kuryāt| antardhānaṃ ca chatrādinā| tannodakena| avajyotya dīpolkādyanyatareṇa| satyavadanameva vā kuryānnādhastanānniyamān| dīkṣitaḥ somārthaṃ svīkṛtadīkṣaḥ| sa yadi pravargyavān pravargyo mahāvīrastadvān| tarhi ātapādīni ātapādhikaraṇakāni mūtrādyavajyotyabhojanāntāni vratāni kuryāt| satyavadanameva vā kuryāt|
( viśva0 )—pravargyakālīnaniyamānāha 'tisro...pāyī' bhavatīti śeṣaḥ | 'strī...rśanaṃ' kṛṣṇaśakuniḥ kākaḥ | eṣāṃ paścānāmadarśanaṃ kāryam | 'asaṃ...te' strīśūdrādibhiḥ saha na saṃbhāṣā asaṃbhāṣā | darśananiṣedhe saṃbhāṣaṇaniṣedhasya prāptatve'pi punaḥ saṃbhāṣaṇaṃ niṣedhayan daivāddarśane punastadudeśena vārtādikathane doṣādhikyapradarśanārthaṃ saṃbhāṣaṇaniṣedhaḥ | 'śava...ghāt' bhojyānnasyāpi dāsāderannaṃ pravargyakāle pratiṣidhyate | 'mūtra...ryāt' ṣṭhīvanaṃ mukhocchiṣṭaṃ mūtrāditrayaṃ gharme na kuryāt | 'sūryo... dhīta' chatrādineti śeṣaḥ 'tapte...rvīta' uṣṇajalena śaucācamanaṃ kuryāt | 'ava...janaṃ' pradīpolkādinā bhojyānnādau tejaḥsaṃyogaṃ saṃpādya bhuñjītetyarthaḥ | 'satya...vā' vāśabdaḥ pūrvoktanirāsārthaḥ | satyavadanameva kuryāt nādhastanān niyamān | 'dīkṣi...ścet' evārtho'piśabdaḥ | pravargyaśūnye prathamayajñādāvaśrotriyasya prasaktiṃ nirākaroti pravargyavāṃścediti | nanvevaṃ dīkṣitamātrakartṛkatve cirakālaṃ kriyamāṇapravargyādau rātriviśeṣaṇaṃ tisraḥpadaṃ vyarthamasaṃgatoktiśceti cet ucyate—tisraḥpadasya pravargyādhikaraṇasakalasamayopalakṣakatvāt | brahmacaryagārhasthyādidharmākrāntaniyamopanyāsaprasaktyā dīkṣitaniya-