Vaikhanasasmartasutra 1.6.19

1.6.19

athātaḥ pākayajñasaṃsthānāṃ prāyaścittaṃ dvāviṃśadyajñeṣu pañcamahāyajñānuṣṭhānaṃ prathamo yajñaḥ tasya prāyaścittaṃ pūrvamevoktaṃ parvaṇi sthālīpāke hīne pādakṛcchramupavāsaṃ vā kṛtvāgniṃ praṇamya prāṇāyāmaṃ kṛtvāgnidaivatyaṃ pathikṛddaivatyaṃ ca sthālyāṃ dvau carū paktvāgniṃ paristīrya pariṣicyājyenāgneyaṃ saumyaṃ sviṣṭākāraṃ mindāhutī vaiṣṇavaṃ vyāhṛtyantaṃ hutvā pūrvavatsthālīpākaṃ dviguṇaṃ juhuyāt āgrayaṇahome hīne navānne bhukte pādakṛcchramupavāsaṃ vā kṛtvā sthālyāmaindrāgnaṃ caruṃ śrapayitvā pakvenājyamiśreṇāgneyamaindraṃ vaiśvadevaṃ sviṣṭākāraṃ pūrṇāhutī vaiṣṇavaṃ ca hutvā pūrvavadāgrayaṇaṃ kṛtvā brāhmaṇānbhojayitvā navānnaṃ bhuñjīta yathoktakāle 'ṣṭakāhomaṃ hutvā pitṛbhyaḥ piṇḍaṃ nirupya brāhmaṇānbhojayedathavāṣṭaketi brāhmaṇānbhojayedudyantaṃ vā dadātyaṣṭakāhīne vaiśvadevapaitṛkau dvau carū paktvājyapakvābhyāṃ vaiśvadevaṃ vaiṣṇavaṃ raudraṃ yāmyaṃ paitṛkahomaṃ ca trirāvartya pūrvavadaṣṭakāṃ kuryāt \19\