Purohitakarman 2

2

2. 1. atha rājakarmāṇi
2. viśvāvasau muhūrte snāto'bhiṣekamantrairabhimantritaḥ
3. anulepanairanuliptaḥ
4. pūrvoktena vidhinā vastrālaṃkārādibhiḥ
5. suvarṇaniṣkaṃ kṛṣṇalaṃ vā vāmahastena saṃgṛhya
4.2.6. yaduḥkṛtaṃ yacchabalaṃ sarvaṃ pāpmānaṃ dahatvity
7. anena mantreṇa suvarṇaṃ śarīre nighṛṣya dakṣiṇena hastena viprāya
dadyād
8. dhenuṃ cārogām ,
9. aparimitaguṇāntilānsauvarṇamaye tāmramaye vā pātre
sthāpayitvā yadajñānādityabhimantrya viprāya dadyāt
10. yadajñānāttathā jñānādyanmayā śabalaṃ kṛtam
tatsarvaṃ tiladānena dahyatāmiti hi prabho
11. bhūmiśca sasyasaṃpannā brāhmaṇe vedapārage
yathāśakti pradeyā hi bṛhaspativaco yathā
12. sa bhuktvā vividhānbhogānsaptasāgaramekhalām
pṛthivīṃ prāpya modeta candravatpṛthivīpatiḥ
13. annaṃ tu vividhaṃ nityaṃ pradadyāttu dvijātaye
tūryaghoṣeṇa saṃyuktaḥ kṛtasvastyayanastathā
14. gṛhadevāṃstu saṃpūjya kāryaścāpyutsavo gṛhe
chatrādīni ca yānāni pūjayeddvidhivatsvayam
15. puṣpaiśca vividhaiḥ śubhraiḥ phalaiścāpyarcayedbudhaḥ
tasmātsarvāṇi satataṃ dānāni tu mahīpatiḥ
dattvā śraddhānvito viprairvṛto bhuñjīta vāgyataḥ