Vedamrita 7.3

7.3

ya̱jñasya̍ gho̱ṣada̍si̱ pratyu̍ṣṭa̱m̐ rakṣa̱: pratyu̍ṣṭā arā̍taya̱: preyama̍gāddhiṣaṇā̍ ba̱rhiraccha̱ manu̍nā kṛ̱tā sva̱dhayā̱ vita̍ṣṭā̱ ta ā
va̍hanti ka̱vaya̍: pu̱rastā̍dde̱vebhyo̱ juṣṭa̍mi̱ha ba̱rhirāsade̍ de̱vānā̍
pariṣū̱tama̍si va̱rṣavṛ̍ddhamasi de̱vaba̱rhirmā tvā'nva̱ṅmā ti̱ryakparva̍ te
rādhyāsamācche̱ttā te̱ mā ri̍ṣaṃ de̱vaba̱rhiḥ śa̱tava̍lśa̱ṃ vi ro̍ha
sa̱hasra̍valśāḥ ( 1 ) vi va̱yam̐ ru̍hema pṛthi̱vyāḥ sa̱ṃpṛca̍: pā̱hi
susa̍ṃbhṛtā tvā̱ saṃ bharā̱myadi̍tyai rāsnā̍'sīndrā̱ṇyai saṃnaha̍naṃ pū̱ṣā
te̍ gra̱nthiṃ gra̍thnātu sa te̱ mā'sthā̱dindra̍sya tvā bā̱hubhyā̱mudya̍cche
bṛha̱spate̍rmū̱rdhnā harā̍myu̱rvantari̍kṣamanvi̍hi de̱vaṃga̱mama̍si
tṛtīyo'nuvākaḥ