Vedamrita 7.5

7.5

karma̍ṇe vāṃ de̱vebhya̍ḥ śakeya̱ṃ veṣā̍ya tvā̱ pratyu̍ṣṭam̱̐ rakṣa̱ḥ
pratyu̍ṣṭā arā̍tayo̱ dhūra̍si̱ dhūrva̱ dhūrva̍nta̱ṃ dhūrva̱ taṃ yo'smāndhūrva̍ti̱
taṃ dhūrva̱ yaṃ va̱yaṃ dhūrvā̍ma̱stvaṃ de̱vānā̍masi̱ sasni̍tama̱ṃ papi̍tamaṃ
juṣṭa̍tama̱ṃ vahni̍tamaṃ deva̱hūta̍ma̱mahru̍tamasi havi̱rdhāna̱ṃ dṛm̐ha̍sva̱ mā
hvā̱rmitrasya̍ tvā̱ cakṣu̍ṣā̱ prekṣe̱ mā bhermā saṃ vi̍kthā̱ mā tvā̍ (1)
him̐ si̱ṣamuru vātā̍ya de̱vasya̍ tvā savi̱tuḥ pra̍sa̱ve'śvino̱rbāhubhyā̍ṃ pū̱ṣṇo hastā̍bhyā̱magnaye̱ juṣṭa̱ṃ nirva̍pāmya̱gnīṣomā̍bhyāmi̱daṃ
de̱vānā̍mi̱dama̍ u̱ naḥ saha̍ sphā̱tyai tvā̱ nārā̍tyai̱ suva̍ra̱bhi vi khye̍ṣaṃ
vaiśvāna̱raṃ jyoti̍rdṛm̐ha̍ntā̱ṃ duryā̱ dyāvā̍pṛthi̱vyoru̱rva1ntari̍kṣamanvihyādi̍tyāstvopa̱sthe sā̍dayā̱myagnaye̍ ha̱vyam̐ rakṣa̍sva (2)
pañcamo'nuvākaḥ