Nighantu 213.1

213.1

8
tasyaiṣā bhavati--
“ada̍rda̱rutsa̱masṛ̍jo̱ vi khāni̱ tvama̍rṇa̱vān ba̍dbadhā̱nām̐ ara̍mṇāḥ
ma̱hānta̍mindra̱ parva̍ta̱ṃ vi yadva̍ḥ sṛ̱jo vi dhārā̱ ava̍ dāna̱vaṃ ha̍n ||”
tasyaiṣā'parā bhavati–
“yo jā̱ta e̱va pra̍tha̱mo mana̍svānde̱vo de̱vānkratu̍nā pa̱ryabhū̍ṣat
yasya̱ śuṣmā̱droda̍sī̱ abhya̍setāṃ nṛ̱mṇasya̍ ma̱hnā sa ja̍nāsa̱ indra̍ḥ ||”
yo jāyamāna eva prathamo manasvī devo devān kratunā
karmaṇā paryabhavat paryagṛhṇāt paryarakṣadatyakrāmaditi vā
yasya balād dyāvāpṛthivyāvapyabibhītāṃ nṛmṇasya mahnā
balasya mahattvena sa janāsa indra iti