Nighantu 42.2
Nighaṇṭu 42.2
- Language
- Sanskrit
42.2
“pā̱rśvataḥ śro̍ṇitaḥ śi̱tāma̍taḥ”
pārśvaṃ parśumayamaṅgaṃ bhavati
parśuḥ spṛśateḥ saṃspṛṣṭā pṛṣṭhadeśam
pṛṣṭhaṃ spṛśateḥ saṃspṛṣṭamaṅgaiḥ
aṅgamaṅganādañcanādvā
śroṇiḥ śroṇatergaticalākarmaṇaḥ | śroṇiścalatīva gacchataḥ
doḥ śitāma bhavati
dordravateḥ
yoniḥ śitāmeti śākapūṇirviṣato bhavati
śyāmato yakṛtta iti taiṭīkiḥ | śyāmaṃ śyāyateḥ
yakṛd yathā kathā ca kṛtyate
śitimāṃsato medasta iti gālavaḥ
śitiḥ śyateḥ
māṃsaṃ mānanaṃ vā mānasaṃ vā mano'smin sīdatīti vā
medo medyateḥ