Nighantu 58.32

58.32

“nūcit (30)”-“iti” eṣaḥ “nipātaḥ” anekārthatveneha samāmnātaḥ| na hi
nipātānāṃ prakṛtipratyayādisaṃskāro'sti,yasyānavagamaḥ syāt|sa ca punarayaṃ “purāṇanavayoḥ”
arthayorvarttate | prakaraṇopapadavaśāt purāṇātāṃ kasyacidarthasyāvadyotayati, navatāṃ ca
kasyacit
“nūca (31)”-“iti ca” | ayamapi ca purāṇanavayorarthayorvarttate | ayaṃ tu
nūcidityetasyaivārthasāmānyaprasaṅgādasamāmnāyānta evodāhṛtaḥ
nūcidityasyodāharaṇam,—
“a̱dyāci̱nnūci̱ttadapo̍ na̱dīnāṃ yadā̍bhyo̱ ara̍do gā̱tumi̍ndra
niparva̍tā adṛsado na se̱dustvayā̍ dṛ̱ḷhāni̍ sukrato̱ rajā̍ṃsi || ( ṛ0 saṃ0
4, 7, 2, 3 )” iti
nūcetyasyodāharaṇam,–
“nūce̍ pu̱rā ca̱ sada̍naṃ rayī̱ṇāṃ jā̱tasya̍ ca̱ jāya̍mānasya ca̱ kṣām
sa̱taśca̍ go̱pāṃ bha̍vataśca̱ bhūre̍rde̱vā a̱gniṃ dhā̍rayandraviṇo̱dām || (ṛ0 saṃ0 1,7,
4, 2)” iti
dāvane