Nighantu 91.1

91.1

samamiti parigrahārthīyaṃ sarvanāmānudāttam-
"mā na̍ḥ samasya dūḍhaca̍ḥ pari̍dveṣaso̱ a̍ṃhatiḥ
ū̱rmirna nā̱vamā̍vadhīt ||”
mā naḥ sarvasya durdhiyaḥ pāpadhiyaḥ sarvato dveṣaso aṃhatirūrbhiriva nāvamāvadhīt
ūrmirūrṇoternauḥ praṇottavyā bhavati | namatervā
tatkathamanudāttaprakṛti nāma syād dṛṣṭavyaṃ tu bhavati
“u̱to sa̍masminnāśi̱śīhi no̱ vaso̍”
iti saptamyāṃ śiśītirdānakarmā
“u̱ru̱ṣyā ṇo̍ aghā̱yata̱ḥ sama̍smāt”
iti pañcamyāmuruṣyatīrakṣākarmā
athāpi prathamā bahuvacane
"nabha̍ntāmanya̱ke sa̍me"