Yāska's Nirukta 220.1

220.1

“ā rātri pārthivaṃ rajaḥ0”—iti | kuśikasyārṣam, rātryā vā | he “rātri !” sā tvam “āpūrpūraḥ” “pārthivaṃ rajaḥ” pṛthivīlokam āpūrayasi | kiṃ kevalametadeva ! na, ityucyate,—“dhāmabhiḥ” “madhyamasya sthānaiḥ” saha, sahāntarikṣeṇa, yadapi hyāpūryate tamasā | kimetāvadeva ? na, ityucyate,—kiṃ tarhi ? “divaḥ” dyulokasyāpi yāni “sadāṃsi” sadanāni, yeṣu hi dyulokavāsinaḥ sadaneṣu sthāneṣu, sīdanti tānyapi | “bṛhatī” mahatī yasmāt tvam, tasmād dūre'pi varttamānā “vitiṣṭhase” viṣṭabhya tiṣṭhasi—na kevalaṃ viṣṭabhyaiva tiṣṭhasi, kiṃ tarhi ? āpūrya dyulokamapi tatpūraṇātiśiṣṭaṃ “tamaḥ” “tveṣaṃ” mahat punarimameva lokaṃ prati āvarttate yasyāḥ tava, sā tvamasmākaṃ sarvadā śivā bhava-ityetadāśāsmahe |
9 |
29 |