Yāska's Nirukta 224.1

Ṛjvarthā (Niruktavṛtti) 224.1

Language: Sanskrit

224.1

"amīṣāṃ cittam0 (ṛ0 saṃ0 8, 5, 23, 6 | ya0 vā0 saṃ0 17, 44 | vā0 saṃ0 u0 ā0 9, 3, 5, 1 | atha0 saṃ0 3, 2, 5)" -iti | apratirathamasvārṣam | he "apve !" "amīṣām" asmacchatrūṇāṃ "cittam" "cittāni" manāṃsi "pratilobhayantī" "pratilobhayamānā" pratyekaṃ lobhayantī "gṛhāṇa aṅgāni" sarvagātrāṇi āviśa, tvayaite āviṣṭasarvagātrāḥ sādhvasinaḥ utpannavepathavaḥ sammūḍhā apratipakṣāḥ santu | "parehi" parāgaccha etān | api ca yāvanna pratyavasthitāstāvadevaikaṃ kṣipram "abhipraihi" | abhipragatya ca "nirdaha" "eṣām" "hṛt" "hṛdayāni" "suśokaiḥ" | tvayā ete nirdagdhahṛdayāḥ "amitrāḥ" asamardā mitrāḥ "andhena tamasā" "sacantām" "saṃsevyantām" -ityetadāśāsmahe |
9 |
33 |

Previous: 223.2
Next: 224.2
Up: 224

Linked texts (1)

Nirukta — Yāska, Sanskrit