Yāska's Nirukta 251.1

251.1

"prati tyaṃ cārum0 ( ṛ0 saṃ0 1, 1, 36, 1 | sā0 saṃ0 cha0 ā0 1, 1, 2, 6)"-iti | medhātithiḥ ṛgdvaye | "tyaṃ" tam aṅgavaikalyarahitam "adhvaraṃ prati" he bhagavan ! "agne !" tvamasmābhiḥ "gopīthāya" "somapānāya" "prahūyase" āhūyase | sa tvametad jñātvā "marudbhiḥ" saha "āgahi" "āgaccha" etasminnasmatkarmaṇi somaṃ pātum-ityetadāśāsmahe |
10 |
36 |
"abhi tvāṃ pūrvapītaye0 ( ṛ0 saṃ0 1, 1, 37, 4 | sā0 saṃ0 cha0 ā0 3, 2, 2, 4)"-iti | he bhagavan ! "agne !" "pūrvapītaye" "pūrvapānāya" pūrvakāle pravṛttāya pānāya "tvā" tvām "abhisṛjāmi" vade | kim ? iti, idaṃ "somyaṃ madhu" "somamayaṃ" tat madhu | sa tvamāgaccha etasmin karmaṇi etat pātumityetadāśāsmahe |
10 |
37 |