Yāska's Nirukta 311.1

311.1

'"sapta ṛṣayaḥ prati̍hitāḥ0 ( ya0 vā0 saṃ0 34 55 )" -iti | hiraṇyagarbhasyārṣam | ātharvaṇe ātmastutau viniyogaḥ, uttarā ca || śṛṇāti sarvamidamiti śarīramādityaḥ, āśrayaṇādvā sarvamidamasminnāśritamiti | tasmin "sapta ṛṣayaḥ" "raśmayaḥ" "pratihitāḥ" pratyekaṃ hitāḥ nihitāḥ | te punaḥ saptaiva anyūnādhikāḥ santaḥ, vārṣikodakamupanayantaḥ, teneddhāstamādityaṃ "saṃdaṃ" sadaiva "apramādam" "apramādyantaḥ" anutsargeṇa svasya karmaṇaḥ "rakṣanti" nirindhanaḥ pārthivo'pi hyagniḥ indhanakṣayānnirvvāṇyet, "ta eva" sapta saṃtāḥ "āpannāḥ" sarvasya lokasya
'pyāpanāḥ, “svapataḥ” astamupagacchataḥ, asyādityasyaiva taṃ “lokam” ātmānaṃ gacchanti, bāhyaṃ maṇḍalaṃ praviśanti | teṣvanupraviṣṭeṣu “tatra” supteṣu uparataprakāśavṛttiṣu tatrāntargatau1• “jāgṛtaḥ” tanmaṇḍalantarapuruṣaḥ, tadadhiṣṭhātā, yo'sau hiraṇmaśmaśruḥ hiraṇyakeśa iti vijñāyate, vāyuśca-“ityadhidaivatam” || “athādhyātmam”-maṇḍalavadaismiñcharīre raśmivadindriyāṇi pratihitāni nihitāni, taccharīraṃ, nityaṃ rūpādyālokanādyupakāreṇa rakṣanti apramādyanti, saptāpanāni vyāpanāni viṣayāṇāṃ śarīrasya vā | tānyeva svapato'sya jīvasya sukhaduḥkhabhoktuḥ lokaṃ śarīrameva pratyastamitamīyuḥ,-buddhidvāreṇa bhoktryaiva bhāvanānurūpeṇa līyate | yadbhāvanotpādakaḥ svapnabhoktaḥ svapno bhavati, tatra jāgṛtaḥ śarīraparipālanārtham, prājñaścātmā paramātmā cinmātreṇa yaḥ śarīraṃ vyāpya varttate, taijasaśca prāṇo'nnaṃ pānaṃ pacana vyūhaṃśca rasāntarbhūtaṃ tejovāyuvṛttiḥ |
12 |
37 |
“teṣāmeṣā aparā bhavati”-[ sā punaḥ kimartham ? raśmaya eveti sphuṭatāyai ]-||
“tiryagbilaścamasaḥ0 (atha0 saṃ0 10, 26,9)”-iti | tiryañco'sya maṇḍalasya madhupūrṇasyeva raśmicchidrāṇi | camanaṃ codakameṣa sanotīti camasaḥ | ūrdhvaṃ caitadbhūṅamābhūta-
samplavān nipadyata iti “ūrdhvabudhnaḥ” ūrdhvaṃ vyavasthitaḥ prakāśena bodhayatīti, ūrdhvabudhnaḥ, tasmin “camase” maṇḍale “yaśaḥ” udakaṃ “nihitaṃ” niyamena adhikaṃ vā hitamavasthāpitam, “viśvarūpam” anekaprakāramanekarūpam | kaiḥ punastannihitam ? iti-“ye” “asya” “mahataḥ” jagataḥ, ātmano vā “gopāḥ” goptāraḥ, ete raśmayaḥ “babhūvuḥ” bhavanti | “ye” ca “atra” etasmin maṇḍale “sākam” ekībhūtāstadadhiṣṭhātrā saha “āsate” | tairhi catasṛṣu dikṣu ūrdhvamadho maṇḍalaṃ cotsṛṣṭāni yāni jyotīṃṣi asya te raśmayaḥ, sapta sarpaṇāḥ, ṛṣaṇāddarśanādasya dharmasya ṛṣaya ucyante“ityadhidaivatam” || “athādhyātmam”-iti | tiryagvicchidramidameva śiraścamasaḥ, camyante hyanena rasā iti | “ūrdhvabandhanaśca” upari hyavasthitametadvandhanamasya śarīrasya, etadviyoge hi vissraṃsyate śarīram | yasmin yaśo nihitaṃ viśvarūpaṃ nānāprakāramindriyatvena bhṛta rasākhyaṃ jñānākhyaṃ vā | tasya camasasya ye vidhātāraḥ, tadvāreṇa asya śarīrasya mahato goptāraḥ, tatraiva camasantaramanupraviṣṭāḥ “sākaṃ” “saha” tadyaśa upajīvanta āsate-“ityātmagatimācaṣṭe” |
12 |
38 |