Pramāṇa · Search · About · API

Nāradīyā Śikṣā 2.1: dvitīyaḥ prapāṭhakaḥ

Nāradīyāśikṣā 2.1

Language
Sanskrit

Contents

dvitīyaḥ prapāṭhakaḥ

2.1.1

kaṇḍikā

2.1.1-2

sayakāraṃ sarvaṃ vāpyakṣaraṃ svaritaṃ bhavet
na codāttaṃ purastasya jātyaḥ svāraḥ sa ucyate

2.1.2

i u varṇau yadodāttāvāpadyete yavau kvacit
anudātte pratyaye nityaṃ vidyātkṣaiprasya lakṣaṇam

2.1.3

e o ābhyāmudāttābhyāmakāro nihitaścayaḥ
akāraṃ yatra lumpati tamabhinihitaṃ viduḥ

2.1.4

udāttapūrvaṃ yātkiñcicchandasi svaritaṃ bhavet
eva sarvatrahrasvārastairavyañjana ucyate

2.1.5

avagrahātparaṃ yatra svaritaṃ syādanantaram
tirovirāmaṃ taṃ vidyādudātto yadyavagrahaḥ

2.1.6

ikāraṃ yatra paśyeyurikāreṇaiva saṃyutam
udāttamanudāttena praśliṣṭaṃ taṃ nibodhata

2.1.7

svare cet svaritaṃ yatra vivṛttā yatra saṃhitā
etatpādāntavṛttasya lakṣaṇaṃ śāstracoditam

2.1.8

jātyaḥ svāraḥ sa jātyena śruṣṭyagre kṣaipra ucyate
te manvatābhinihitastairavyañjana ūtaye

2.1.9

tirovirāmo viṣkabhite prāśliṣṭo hīndragirvaṇaḥ
pādavṛttaḥ ka īṃ veda svārāḥsaptaivamādayaḥ

2.1.10

uccādekākṣarātpūrvātsvaryate yadihākṣaram
svārāṇāṃ jātyavarjjānāmeṣā prakṛtirucyate

2.1.11

catvārastvāditaḥ svārāḥ kampaṃ puṣyanti śāstrataḥ
udātte vaikanīce vājuhvagristatra darśanam

2.1.11.p1

iti prathamā kaṇḍikā

Linked texts (4)