Vakyapadiya 1.1.4

1.1.4

kva cittvavinābhāvinī kriyāpi na pratīyate tathā caivaṃ jātīyake viṣaye karmapravacanīyo niyataviśiṣṭakriyākṛtatvasambandhasya viśeṣamavagamayati | taduktaṃ janayitvā kriyā kā citsambandhaṃ vinivarttate | śrūyamāṇe kriyāśabde sambandho jāyate kvacit | sa cāpajātaḥ sambandho vinivṛtte kriyāpade | karmapravacanīyena tatra tatra niyamyate iti | niyamastasya niyatakriyājanitatvaṃ | tathā hi śākalyasya saṃhitāmanu prāvarṣat iti yo 'yaṃ saṃhitāpravarṣaṇayorhetuhetumadbhāvalakṣaṇaḥ sambandhaḥ sa nipāṭhakriyājanita ityanunā vedyate | anuniśamyetyatrānorniśāmayatikriyāsāhacaryopalabdheriha sampāṭharūpatvātsaṃhitāyāstadanumānasyaucityāttatra kriyāvacanatvamasyāndhatra dṛṣṭaśakterna kalpyaṃ | dyotyārthaniṣṭhaṃ ca dyotakatvamiti tadapi kriyāpadāprayogādatra nāsti | na ca kriyāpadākṣepakatvaṃ, yathā prādeśaṃ viparilikhatītyatra vailekhanāsamanvayānupapatternirmātikriyākṣepakatvaṃ | kārakavibhaktirhyatra prādeśamiti dvitīyeti yuktastatsamucitakriyākṣepaḥ | iha tu saṃhitāniti śaiṣikīyaṃ vibhaktiriti kathaṃ kriyākṣepaḥ | kriyākārakayoreva parasparamākṣepyākṣepakabhāvasyāvinābhāvena vyāptatvāt tadyathā praviśa piṇḍīmityādau | nāpi sambandhavācitvamatrānoḥ | vibhaktyaiva tadabhidhānāditi sambandhāvacchedasya pratyāyako nānyaḥ sambhavatīti pāriśeṣyādanoratra sāmarthyamadhyavasīyate | taduktam| kriyāyā dyotako nāyaṃ sambandhasya na vācakaḥ | nāpi kriyāpadākṣepo sambandhasya tu bhedaka iti || bhedako viśeṣako dyotaka ityarthaḥ | ayamatra bhāvaḥ| yadananyathāsiddhaṃ tatrānorvyāpārakalpanā yuktā |