Vakyapadiya 15.88

Vākyapadīya (ed. Raghunātha Śarmā, with the Vṛtti and his Ambākartrī) 15.88

Language: Sanskrit

15.88

padyamānamāśaṅkayaikīyamatena tāvadupapādayitumāha--
viśeṣaṇād viśeṣye'rthe tadbhāvābhyuccaye sati |
punaśca pratisaṃhāre vṛttimeke pracakṣate ||

15.88.p1

ihaikayā prakhyayā dvayorviśeṣaṇaviśeṣyayorgrahaṇe parasparopakārāgrahaṇāt kiṃ bhūto viśeṣaṇaviśeṣyabhāvaḥ syāt |

15.88.p2

na hi vastuto niyatajātīyaṃ viśeṣaṇaṃ nāma kiñcidasti | na cāpyatra śābdī pratītirekā yujyate | abhidhānakramāddhayabhidheye kramikaiva pratītirnyāyyā | tataśca

15.88.p3

`nāgṛhītaviśeṣaṇā viśeṣye buddhiḥ’ iti pūrvaṃ viśeṣaṇagrahaṇam, tato viśeṣaṇāddhetorava-

15.88.p4

cchedakatvena gṛhātād viśeṣye tadbhāvasya viśeṣaṇarūpasyābhyuccaye atireke sati punaḥ pratisaṃhāre'sannidhestadbhāvābhyuccayasyaivopekṣaṇe vṛttirekārthībhāvaḥ |

15.88.p5

viśeṣye hyatiśayamādhāya kṛtārthaṃ viśeṣaṇaṃ na svarūpeṇa viśeṣamayamatirecayati, mā

Linked texts (1)

Nyāyamañjarī — Jayanta Bhaṭṭa, Sanskrit