Rasaraja p3.2

p3.2

tāpara to bar̤a bhāga bar̤e matirāma lasaiṃ pati prīti suhāī | tere suśīla subhāva bhaṭū kula nārina ko kula kāni sikhāī| gehī janai pati devatake guṇa mauri sabai guṇa mauri paṭhāī || 11 || dohā jānati sauti anīti hai jānati sakhī sunīti| gurujana jānati lāja hai prītama jānata prīti 12 || dohā || trividha svakīyā jāniyo prathamahiṃ mugdhā nāma| madhyā puni praur̤hā gino varaṇata kavi mati rāma 13 abhinavana yauvana āgamana jāke tana meṃ hoya| tāko mugdhā kahata haiṃ kabi kobida saba koya 14 udāharaṇa | kavitta || neka manda madhura kapola musakyāna lāge neka maṃda gamana gayaṃdana kī cālabho| raṃcakana ūṃco lago aṃcala uroja nake aṃkura nibaṃka ḍīṭhi nekaso bisālabho| mati rāma sukabi rasīle kachu bainabhaye badana śrṛṃgāra rasabeli āla bāla bho| bālatana yauvana rasāla ulahata lakhisautina ke sāla bho nisāṃka naṃdalāla bho 15 || dohā || abhi navayauvana jyoti soṃ jaga maga hota bilāsa | tiyake dvaina pāniya bar̤hai piyake nayanani pyāsa 16 dohā || mugdhāṃke dvai bheda bara bhāṣata sukavi sujāna| eka ajñātaka yauvanā bāla yauvanā āna 17 || ajñāta yauvanā lakṣaṇa | dohā || nija tana yauvana āgamana jo nahiṃ jānata nāri | so ajñātaka yauvanā kavi baraṇata niradhāri 18 || udāharaṇa | kabitta || khelata cora mihīcanī āju gaī hutī pāchilī cosa kī nāīṃ| ālī kahā kahām̐ eka bhaī mati rāma naī yaha bāta tahāhīṃ | eka hi bhauṃna dure ika saṃgahī aṃga soṃ aṃga chuvāyo kanhāī| kaṃpa chuṭyo ghanasveda bar̤hyo tanaroma uṭhyo aṃkhiyāṃ bhari āī 19 ||