Kurmapurana 10.p2
Kūrmapurāṇa 10.p2
- Language
- Sanskrit
10.p2
kūrma uvāca | gate maheśvare deve bhūyaeva pitāmahaḥ | tadeva sumahatpadmaṃ bheje nābhisamutthitam || atha dīrgheṇa kālena tatrāpratimapauruṣau | mahāsurau samāyātau bhrātarau madhukaiṭabhau || krodhena mahatāviṣṭau mahāparvatavigrahau | karṇāntarasamudbhūtau devadevasya śārṅgiṇaḥ || tāvāgatau samīkṣyāha nārāyaṇamajo vibhuḥ† | trailokyakaṇṭakāvetāvasurau hantumarhasi || tadasya vacanaṃ śrutvā harinārāyaṇaḥ prabhuḥ | ājñāpayāmāsa tayorvadhārthaṃ puruṣāvubhau || tadājñayā mahadyuddhaṃ tayostābhyāmabhūdvijāḥ‡ | vyajayatkaiṭabhaṃ jiṣṇuḥ viṣṇuśca vyajayanmadhum || tataḥ padmāsanāsīnaṃ jagannāthaḥ pitāmaham | babhāṣe madhuraṃ vākyaṃ snehāviṣṭamanā hariḥ
Linked texts (4)
- Kūrmapurāṇa — Vyāsa, Sanskrit
- Brāhmī Saṃhitā — Sanskrit
- Brahmisamhita (gurumandalseries1962) — Sanskrit
- Kūrmapurāṇa (Ananta Gokhale) — Ananta Gokhale, Sanskrit